Ukun Ho Justiça, Labele Politiza Ukun Ne’ebe Kontra Lei

SAPNewsTL, Dili : Perspektiva Akademika Foinsa’e Gregori Fidelis Colo kona-ba Implementasaun Justisa no Politika iha Timor Leste, Estudante refere husi Universidade da Paz (UNPAZ) Fakuldade Direitu, Departamentu Siensia do Direito, Semester V.

                     Introdusaun

Timor Leste hamriik iha K-RDTL Artigo 1 ho Nu.1, Repúblika Demokratika Timor-leste katak estadu ida nebé demokratiku, soberanu, ukun an no ida mesak, hari husi povo nia hakarak no iha respeitu ba dignidade ema moris idaidak nian. Ema hotu-hotu iha Lei nia oin hanesan, ninia sentralidade mak jusitisa ka Tribunal, konserteza ita hatene lei nebé justu institui mai ita hotu nebé mak agora dadauk regula hela ita iha sosiedade ne’e.

Ohin loron sai fatin di’ak ka fatin nebé livre iha ita hotu nia matan ou ita bele dehan ema hotu iha direito no liberdade, tan ne’e exigi ita atu hatene saida mak “ukun uza justisa labele uza polítika” tamba ema hotu atu moris tuir buat nebé lós(verdade) no justu, ema barak hakarak goja nia direito tuir lei no normas sira maibé polítika fo mate ba ema balu sira nia direitu nebé lós katak moris iha lei nia ain okos.

Ho pensamentu ida ne’e, ita hotu moris iha Nasaun Repúblika Demokratika De Timor-Leste(RDTL), ita bolu malu hodi nahe biti bo’ot tur hamutuk atu halo diálogu entre lider sira hotu hodi tau atensaun ba ita nia Nasaun no ba ema seluk iha ita nia relasaun diak iha rai ida ne’e. Kuñese didi’ak an konaba Lei, ne’e importante tebes ba ita hotu hodi regula ita. Tema ida ne’e, nudar estilu ida be lori ita descobre no buka hatene atu sai auto- responsavel iha aspetu oioin, liuliu justisa no polítika nian atu labele kahur malu tun sa’e! Tan mundu oras ne’e dadaun nakonu ho idealogia barak barak mai ho nia pensamentu rasik iha Nasaun ne’e, ne’e realidade nebé ema otas infrenta. De fato, susar tebes no perigo ba entidades hotu nia cresimento ho presensa idaidak nian. Tamba ne’e, iha hau nia opiniaun ka reflexaun ida ne’e, hakarak bolu fila fali ita idaidak nia an hodi reflete didi’ak bele hadia ita nia pensamentu sira nebé fora husi K-RDTL ka LEI sira nebé ita hatuur ona.

Nune’e, ita ho ita labele monu iha injustisa ka monu iha polítika nebé la justu no monu arbiru iha ema seluk nia intepretasaun nebé sedauk justu katak la merese la’o tuir Lei nebé hakerek. Ha’u mai ho hanoin ida nebé real no apresia tebes konaba “ukun uza justisa labele uza polítika”. Realidade ohin loron nian Lei forte maibé ema balu sei hakarak uza sai lei polítika nian lahatene katak ema balu mós presija lei nebé justu atu moris iha justisa nia laran.

                                                            Ukun uza justisa labele uza polítika

Ha’u dúvida ho polítika ohin loron nian nebé Timor-leste hamriik iha tinan rua nulu resin tolu ona maibé seidauk moris iha justisa ka moris iha harmonia nia laran tamba sei uza lei polítika nebé la justu. Lós duni ita hatene katak polítika mak uluk hafoin halo lei maibé ita tenke uza polítika nebé ita halo ne’e significa ita halo tuir lei nebé hakerek ona labele uza polítika nebé la justu no uza poder nebé bo’ot hodi hanehan polítika legal sira.

A justiça é uma particularidade do que é justo e correto, como o respeito a igualdade de todos os cidadãos. A justiça é um termo que vem do latim justitia significa ordem nebé social ka buat nebé forma ona tuir dalan legalidade nian. O Autor de Aristóteles diz que o filosofia grego que viveu durante o século V a. C. Justiça se trata de como o homem se relaciona com a verdade, o mérito e o justo e justiça é uma equilibrio para os cidadãos.

Iha parte politika ne’e palavra original  husi lian grego katak polis que signifca “cidade organizada por leis e instituições’’. (Cƒr. Iniciação a ƒilosoƒia,p,439.) Tamba ne’e, polítika ne’e tenki hatudu ita nia komportamento individuais no valores nebé diak iha sociedade tuir buat nebé mak hatuur ona iha lei ka justisa nia laran, iha polítika nia abut mos bem katak los maibe tenki la’o ho justisa, hatudu kuñesimentu ne’e diak hodi aplika iha sabedoria prátika mak polítika hetan dalan lós nebé hanaran bem comum ka servisu ba ema hotu. Halo buat barak iha nasaun maibé tenki uza justisa labele uza polítika sei ita halo la tuir dalan legal significa lakon ona ita nia sentidu paz nian, tamba ne’e justisa ho polítika ne’e tenki kompleta malu, tenki aplika hamutuk, iha corridor ida, iha sanan ida no tenke la’o hamutuk atu alkansa buat nebé diak no justu iha ema hotu nia matan ka sociedade nia le’et.

Iha Eleisaun Parlamentar (ELPAR) tuir mai povo tomak iha rai doben Timor leste, husi rai ulun to’o rai ikun, husi tasi feto to’o tasi mane, tempu to’o ona tenki matan moris neon na’in, ho razaun fundamental mak povo nia votus ida iha loron ida, ne’e mak determina ita hotu ba tinan lima(5).

Ita hamutuk hili ho fuan nebé mós(puro) la’os ho osan(dinhero), atu sai husi nakukun ka fatin izolamento nian, sai husi ema nebé hanehan ho poder no polítika nebé la justu no la honestidade iha rai ne’e. Atu guvernu labele taka an bebe’ik uza maskra, atu lider balu ka deputadu/a balu labele taka bebe’ik maskra, atu hatudu loloos karakter saida mak sei halo ba rai doben Timor no o nia povo sira? Labele subar-an bebe’ik iha masker laran(finjido), ita hotu koko atu hase’es hahalok nebé la tuir lei ka polítika nebé la justu(Abuso de poder, hadau ukun,sosa ukun nst).

Tamba ne’e, povo tenki hili Lider, Na’i ulun, ukun na’in balu mak hanesan: Matenek ho pasiensia no humildade(haraik-an), matenek iha fuan atu hadomi Nasaun no hadomi nia povo, simplicidade, solidariedade, Matenek ho fuan labele ho liafuan nst. Povo Timor leste nia esperansa no aspirasaun ho questaun nune’e: “O que devemos esperar da nossa independência”? Lider tenke, respeita konstituisaun, lider tenke brani foti desizaun lós no justu, lider tenke salva guarda konstitusional hodi hametin soberania estado no funsionamentu, hamoris hahalok di’ak; Ema bo’ot ema kiik, ema beik no matenek, ema kiak no riku, ita hotu hakruuk ba K-RDTL ho principio de direito, estado suberdina ba Lei, estado suberdina ba konstituisaun ho três fundamentais princípio primário nian katak tenke”halo tui polítika lei nian, la kontra lei no la haksoit liu lei no la hadau ema nia poder”, karik buat sira ne’e mak ita la’o tuir espera katak Nasaun ne’e hakmatek no paz  no sidadaun mós sei la hakilar tan nia estadu dehan: Povo mai husi nebé? povo ne’e se nia povo? povo ne’e Maubere nia oan ka lae? No povo ne’e sidadaun Timor oan ka lae? tamba ita hotu hakruuk ba lei no normas sira maibe lider balu ka ukun na’in balu mak uza poder hodi hanehan povo nebé la ho polítika lei nian significa Nasaun ne’e sei barulho nafatin ho povo nia lian.

                                          Sidadaun hotu iha lei nia oin maibé realidade polítika mak iha oin

Timor-leste hanesan estado de direito democrático signifika Nasaun Timor leste nudar estado de direto democrático, la’os estadu demokratiku sem lei no justisa. Nune’e, asaun humana ka asaun Instituisaun ida nian realiza tamba regula iha Lei (princípio legalidade). Iha ne’e, prinsipiu igualdade perante lei ne’e hetan nia fundamentu iha lei Inan Artigo 16 nebé dehan iha alinea 1 no 2 katak Todos os cidadão são iguais perante a lei, gozam dos mesmos direitos e estão sujeitos aos mesmos deveres; Nigeum pode ser discriminado com base na cor, raça, estado civil, sexo, origem, étnica, língua, posição social ou situacção económica, convicções políticas ou ideológicas, religião, instrução ou condição física ou mental. Tamba ne’e, ita hotu hakarak ukun hotu maibé tenke uza ita nia asaun nebé ema hotu gosta no uza justisa labele uza polítika nebé la ho lei ita tenke uza hanoin nebé lós(verdade) no tenke uza prinsipiu legalidade, universalidade no igualdade katak ema hotu moris nebé hanesan iha lei nia oin.

Bainhira lider ka ukun na’in balu tau iha prática nebé justu entaun makaer lei sira tenki iha konsistensia ba lei nian labele rona lider nebé mai ho egoismo, ho poder nebé bo’ot hodi hanehan lei sira. Tamba justisa hanesan dalan lós no buka lia lós iha ema hotu nia oin no lei nia oin, seluk dehan”Kepastian Hukum”katak Serteza da lei no positivismo direito significa ita ko’alia konaba lei no normas sira, ita ko’alia tuir lei nebé iha ona no ita ko’alia tuis saida mak lei hakerek ona. Ida ne’e mak ema hotu preokupa hodi moris iha Naroman ka lei nia ain okos.

Iha parte seluk SANTIDADE POLÍTIKA- tuir Santo Padre nia hanoin, polítika ohin loron nakonu ho foer “Populismo” ho”Liberalismo”nian. Iha polítika “Populismo” nia laran, ema gosta mak koalia konabá povo kbi’it laek, povo kiak no povo terus maibé atu habokur deit an ka partido grupo ka familia. POVO ne’e sai deit ”Categoria lógica, categoria mística…categoria angelica” ba politika sira, maibé halakon fali sira nia identidade social no cultural. Iha fali “ Liberalismo” nia kakutak laran, POVO ne’e sai deit “somma di interessi che coesistono”(penjumlahan kepentingan yang saling berdampingan).

POVO sai deit categoria mística no romântico nebe la existe. Atu bele hametin demagogia ida ne’e, media no organização sociedade civil dala barak liu halo”servizio” ba sira nebe iha ona poder. Papa Francisco halo crítica maka’as la’os ba media no organizações sira, ba sasan sira no rikusoy rai ne’e nian, maibé “nel modo in cui le persone utilizzano”(§106). Santo Padre fo sugestaun atu ema hotu halo hamutuk ka servisu hamutuk iha uma fukun ida “carità sociela e polítika”. Na’i lulik Bo’ot ne’e fiar katak polítika ka makaer-ukun sira iha virtude bo’ot ida hodi halo “processi sociale di fraternité  e di giustizia per tutti”(proses social ba fraternidade no justiça ba ema hotu). Ho liafuan badak, sarani katólika, polítika sira hala’o polítika ho prinsipio SOLIDARIEDADE no SUBSIDIARIDADE.

Tan saida deit mak ita halo ba ema nebe ki’ak liu no mukit liu, ita halo ba Maromak no ba ema hotu. Ne’e mak Santidade polítika. Iha ne’e mak ita dehan servisu ho fuan Maromak nian no hakuak ema hotu iha mundu liuliu ita maubere nia oan sira iha rai ne’e, ita bele dehan polítika mak dalan lós hodi hari justisa no Lei, lós maibe tenki uza Polítika no Democrasia significa ita halo polítika nebe ema hotu hanesan ka ema hotu iha lei nia oin. Ida ne’e mak sai fator importante ba ema nia preokupasaun sira nebé justu; Tamba ne’e, nudar sidadaun hotu ami hakruk no respeitu ba makaer ukun sira, ukun ema uza justisa labele uza polítika hodi hanehan ita nia povo sira nebe mak hamrik iha lei nia oin tenki tane as ita nia povo hodi hamutuk iha lei nia oin, ne’e mak dalan solidariedade, fraternidade no paz ba ema hotu nudar Maromak oan no  Natureza ka kultura Timor-leste nia oan.

                                                                        Konkluzaun

Ita ema mutin ka metan ka makerek ita hotu mesak Maromak nia oan no lulik Timor nia oan. Loos duni, sei ita dehan estado direito demokratiku  parese buat hotu ita halo tuir Lei nebé mak justu no tuir normas sira, ida ne’e mak lori ita ba moris nebé justo, moris honestidade no moris nebé tuir justisa nian ka lala’ok  justisa nebé lolós.

Ita bolu malu nafatin nudar Timor oan hotu karik loron ida sai lider ka makaer ukun tenke”ukun uza justisa labele uza polítika” sei ita uza lei polítika nebé la tuir desizaun justisa ka tribunal significa ita la respeita ona K-RDTL, ha’u mai ho hanoin nebé simples no hakerek uza liafuan simples maibé nakonu ho espirito Nacionalismo no patriotismo iha rai ida ne’e atu ita hotu hakruuk ba ita nia lei sira. Tamba ema  hotu hakarak hetan liberdade ka direito ne’ebe hanesan no moris hotu iha lei nia oin. Ho ida ne’e mak sai save ba ita ida-idak nia an hodi respeita lei sira nebé mak regula hela ita.

Iha parte seluk ita hatene ona lei mak sai dalan justisa iha sociedade ka Nasaun ida, ida ne’e importante tebes, nune’e ita bele deskobre ona katak lei ne’e uza polítika nebé justu. Tamba ne’e, atu hadia polítika nebé sem justiça ka sem lei ita  halos uluk ita nia pensamentu individu sira. No bainhira ita hadi’a ona ita nia pensamentu nebé lajusto signifika ita hatur ona buat hotu iha lei nia haruka. Nune’e, hatur an iha lei nebe hanesan hahalok hanoin individu sira muda ba moris nebe loos. Ida ne’e mak dalan justisa ka lia lós nian iha estado direito demokrátiku ne’e.

Estudante: Gregorio Fidelis colo

Classe: Semester V

Fakuldade: Direito

Departamento: Ciência de Direito

Escola: Universidade da paz (UNPAZ)

Jornalista : Marcela Mesquita Lemos