UNTL Fasilita Formasaun Diskursu, Debate & Hakerek Artigu Ba Estudante Sira
SAPNewsTL, Dili : Relasiona ho Semana Akadémika ne’ebe Organiza husi Universidade Nasionàl Timor Lorosa’e (UNTL) Nia Fakuldade Sia, inklui Engenharia Ciensia no Teknolojia realiza Formasaun Diskursu Públiku, Debate Públiku no Hakerek Artigu Sientífiku ba estudante hamutuk 73 Iha Auditorium FECT-HERA
Objetivu fundamentu husi Formasaun ne’e hodi dezenvole no hadia estudante sira nia Kunhesimentu, Nune’e sira bele iha Kapasidade Naton no partisipa iha kompetisaun Diskursu, Debate no Hakerek Artigu Sientífiku ne’ebe sei realiza iha tempu badak
Iha Diskursu Abertura Vise Dekanu Asuntu Kooperasaun no Peskiza Domingos de Sousa haktuir, Formasaun ne’e Importante Tebes ba estudante sira hodi aprende, nune’e bele hatene halo Diskursu ho Diak, Debate no Hakerek Artigu Sientífiku sira tuir Siénsia no Teknolojia
“Formasaun Diskursu Públiku, Debate Públiku no Hakerek Artigu Sientífiku ne’e Importante tebes ba estudante Sira, nune’e bele hatene halo Diskursu, Debate no Hakerek Artigu Sientífiku, Estudante sira tenki buka atu haklaen ninia Kunhesimentu hodi halo peskija, identifika problema sira no fo Solusaun ba problema ne’ebé Komunidade sira Hasoru”. Tenik Vise Dekanu Asuntu Kooperasaun no Peskiza Domingos de Sousa liu husi nia Diskursu iha Auditorium FECT-HERA, 19/07/2023
Iha fatin hanesan, Professor Agustinho de Sousa hatutan, Estudante tenki Badinas lee no rona tanba buat Ida rona ne’e Importante iha Komunikasaun, tanba ne’e estudante sira tenki fo atensaun maximu iha Aprensentasaun sira tuir Mai
“Imi tenki Badinas rona, rona hodi aprende, aprende hodi hatene, hatene para bele muda imi nia Kunhesimentu no Kapasidade liu husi Aprensentasaun ida ne’e”. Nia hatete
Presidente Assosiação Académica Estudantil FECT UNTL Sergio Alves da Costa hatutan, Formasaun ne’e realiza tanba apoiu husi UNTL liu husi programa Semana Akadémika, Formasaun ne’e atu aumenta Kapasidade, Hasa’e Kunhesimentu no hadia Atetude
“Formasaun ne’e hodi Hasa’e Kunhesimentu, hadia Atetude no aumenta Kapasidade estudante ida-idak nian, nune’e Bele estimula estudante sira halo Diskursu, Debate no Artigu Sientífiku ne’ebe Diak liu ba Futuru”. haktuir Sergio
Senadu Fakuldade Engenharia Ciensia no Teknolojia UNTL ne’e akresenta, Savi atu halo Diskursu, Debate no Hakerek Artigu Sientífiku ho Kualidade mak tenki Lee barak, rona barak no halo analiza barak
“Dalan Ba halo Diskursu, Debate no Hakerek Artigu Sientífiku ho Kualidade, ne’e nia save prinsipal mak Estudante tenki lee, rona, hakerek no Ko’alia beibeik tanba dala Wain ita bele Ko’alia Diak mas difisil iha hakerek, Fasil iha Hakerek dala ruma susar iha debate, entaun ita tenki Koko hotu hotu ho aprende barak, nune’e ita bele hatene barak no domina Diskursu, Debate, Siénsia no Hakerek Artigu Sientífiku”. Nia subliña
Formasaun ne’e, UNTL hala’o ba Estudante sira iha kada Fakuldade hanesan Fakuldade Agrikultura, Fakuldade Edukasaun Artes e Humanidades, Fakuldade Siénsia Exatas, Fakuldade Filosofia, Fakuldade Direitu, Fakuldade Medisina Ciénsia de Saúde, Fakuldade Ekonomia e Gestaun, Fakuldade Ciénsia no Polítika no Fakuldade Engenharia Ciensia Teknolojia
Antes ne’e, Vise Reitora Asuntu Estudantil UNTL Lígia Tomas Correia mos haktuir UNTL sei realiza Formasaun ba Estudante sira hodi bele promove no desenvolve estudante sira nia abilidade Krítiku, Sientífiku liu husi Ko’alia iha Públiku, debate no Hakerek Artigu Sientífiku
“Ho Semana Akadémika ne’e UNTL nia Vise Reitora Asuntu Estudantil, Vise Dekanu, Senadu Sira hamutuk sei realiza Formasaun Diskursu, Debate no hakerek Artigu Sientífiku ba estudante sira, Nune’e bele forma estudante sira nia abilidade Krítiku iha Diskursu, Debate no Hakerek Artigu Sientífiku”. Nia Informa ba SAPNewsTL iha Kampus Sentral UNTL, 20/07/2023
Enkuantu, Formasaun ne’e Partisipa husi Estudante Sira iha FECT ne’ebe estuda iha kursu Departementu Enjenaria Mecânica, Sivil, Eletro e Elétrica, Nucleo Estudante Engenharia Informatica UNTL – NEEI-UNTL no Geólogos no Petroleu Hamutuk 73 Pessoas
Jornalista: Esmeralda da Silva