Atleta Taekwondo Na’in 4 Preparadu Kompete Iha ASEAN Games 2023

SAPNewsTL, Dili: Atleta nain haat husi modalidade taekwondo preparadu kompete iha Asean Games 2023 ne’ebe sei hala’o iha sidade Hangzhou, China, loron 23 fulan Setembru remata iha loron 8 fulan Outubru tinan ne’e.

“Ami halo ona selesaun dalarua ba atleta sira nune’e ami hetan ona atleta nain haat prepara ba kompete iha Asean Games 2023 iha sidade Hangzhou, China iha fulan setembru”, dehan Asistente Treinador Mateus Suares ba jornalista sira iha Timor Plaza Comoro, Dili sesta (21/07/2023).

Asistente treinador ne’e hatutan, preparasaun ba Asean Games 2023 iha China tuir planu governu liu husi CDTL nian komesa iha loron 1 fulan agostu 2023 maibe atleta Taekwondo prepara antes fila husi Sea Games 2023 iha Cambodia to’o agora.

Nia informa tan, atleta sira la hela iha training camp antes sira partisipa Asean Games, sira senti la fo influensia ba preparasaun atleta sira tanba atleta sira daudaun ne’e hetan kontrola masimu husi federasaun karik la atleta sira la dixiplina treinu sira sei troka kedas ho atleta seluk.

Mateus afirma tan, atleta sira ne’e, sira kontrola husi orariu treinu nian maibe atleta sira agora prepara ne’e sira hare’e atleta sira ne’e halo preparasaun ho dixiplina tanba sira hatudu performa diak no daudaun sira tama ona ba treinu fighting