Vizita Papa Francisco, Igreja Sei Rekruta Ministru Extraordináriu 4.000

SAPNews TL, Díli – Prepara ba vizita Sua Santidade Papa Fransisco, Igreja Katolika Timor-Leste sei rekruta Ministrus Extraordinariu hamutuk rihun haat (4000) hodi tulun amu lulik no madre sira fahe komuniaun ba sarani sira.

Tuir Dom Virgilio Cardeal do Carmo da Silva, hateten, sarani Timor-Leste hamutuk ho igreja amu lulik no madre sira preparativu tebe-tebes ba vizita amu Papa Fransisco nian primeiru hahu husi domingu semana tuir mai igreja hotu hotu sei hahu halo orasaun ida ne’ebe Komferensia Episkopal prepara ona.

“Igreja konvida sarani hotu-hotu bele prepara simu vizita amu Papa Fransisco nian, tamba laos vizita baibain ida maibe vizita ida ne’ebe lori benefisiu espiritual nu’udar xefi igreija katolika mundial, entaun liu husi mensajen ne’ebe, Komferensia Episkopal hatun ba paroquia sira husu atu paroquia bele rekruta
Ministrus Extraordinariu 40 tuir estimasaun rihun Haat.” Informa, Dom Virgilio Cardeal do Carmo da Silva ba Jornalista sira hafoin selebra loron Corpo de Deus, Quinta (30/05/2024)

Dom Virgilio Salienta, Papa Fransisco
hanesan saseluk kristu nian iha rai, tamba ne’e liu husi vizita Papa Fransisco nian sei sai momentu diak ida mai ho espiritual, Vizita amu Papa nian igreja presija, Ministrus Extraordinariu, hodi fahe komuniaun, tamba amu lulik ho madre sira deit la to’o igreija presija prepara tan ema ne’ebe atu fahe kominaun mais ou menus rihun haat (4000), Tenik Dom Virgilio.

“Ita prepara ho espiritual, hahu dia dois (2) de julhu sarani katolika religiozu, religioza no igreja iha Timor laran tomak, prepara to’o setembru durante fulan tolu nia laran, ita hahu ho orasaun, ohin ita simu ona parte grafika nasional prepara ona orasaun, hafoin imprime no distribui ba iha paroquia sira iha teritoriu nasional. Ita hein katak iha domingu semana ida ne’e, Paroquia sira ne’ebe besik bele asesu ona ba orasaun ne’ebe Komferensia Episkopal prepara,”

Nia Salienta, sekretariadu komferensia episkopal, hatutan ba sarani sira ne’ebe la asesu ba orasaun, tamba imajen limitadu bele asesu soft copia ne’ebe prepara ona husi Komferensia episkopal ka asesu direitamente ba sekretariadu preparasaun nian hodi fó biban ba sarani hotu bele reja.

Aleinde, preparasaun espiritual sei hahu mos formasaun no termu preparasaun sira ne’ebe ligadu ho vizita Papa Fransisco nian, kona-ba
materia ekipa prepara hotu ona ne’e duni ekipa sei tun ba dioseze hodi halo sosializasaun iha paroquia sira durante semana tolu (3) nia laran, parte logistika igreja nian agora hein hela, maibé igreja kontinua prepara, fo sai ona mensajen ba iha paroquia hotu hotu, atu prepara ministrus extraordinariu

“Komferensia Episkopal, husu paroquia hotu-hotu liuliu padre paroquia sira hahu rekruta entaun komferensia episkopal distribui ona dekreitu ida atu paroquia bele rekruta, Ministrus Extraordinariu kada paroquia ema 40, igreja sei fó formasaun ba sira ho preparadu hodi ajuda amu lulik no madre sira fahe komuniaun iha loron vizita amu Papa Fransisco nian, igreja mos sei prepara sivoriu rihun haat hodi disponibiliza ba prosesu sira ne’ebe komferensia episkopal hala’o no paroquia sira halo”

Enkuantu, Sabadu dia um (1) semana ne’e delegasaun ida husi vatikadu sei to’o iha Timor-Leste hodi halo inspesaun ba preparasaun sira ne’ebe Governu hamutuk prepara hodi hein vizita Papa Fransisco nian mai Timor-Leste iha loron 9 to’o 11 fulan Setembru tinan 2024

“Igreja kontinua kolabora ho ekipa Governu, nian hodi hala’o enkontru, ami kontinua enkontru tamba sabadu dia um (1) sei mai tan delegasaun vatikadu nian mai Timor iha dia (1) to’o dia (5) atu halo inspeksaun ba dala rua kona-ba preparasaun sira ne’ebe igreja no estadu Timor-Leste hala’o”

Entertantu, tuir estimasaun Dom Virgilio Cardeal do Carmo hateten, sarani hamutuk ho igreja no Governu liu-liu ekipa Governu nian hala’o ona servisu iha terenu ho masimu atinji ona 50% husi preparasaun sira.

Jornalista : Guilhermino Ramos da Cruz