Zebra Manan Mihis Kontra FIEL Ho Skore 1-0
![](https://sapnewstl.com/wp-content/uploads/2023/03/Zebra-Vs-FIEL.jpg)
Imajem Klube Zebra kontra Fitun Estudante Lorosa’e (FIEL) FC, iha Estadium Munisipal Dili segunda (06/03/2023)
SAPNewsTL, Dili: Zebra FC manan mihis kontra Fitun Estudante Lorosa’e (FIEL) FC ho skore 1-0 iha divizaun daruak Liga Timorense epoka 2023 hodi hetan pontu tolu iha jogu refere.
Jogu Zebra FC kontra FIEL FC hala’o iha Estadium Munisipal Dili segunda (06/03/2023)
Iha jogu parte dahuluk bainhira kick off ekipa rua halo kedas jogu tuir ida-idak nia estratejia hodi halo presaun makaas no atake ba malu ne’ebe ekipa rua konsege hetan oportunidade amensa guarda redi kada ekipa maibe la iha jogador husi ekipa ida marka golu hodi muda skore ne’ebe to’o minutu 45 remata skore nafatin okulista 0-0.
Tama ba jogu parte daruak ekipa rua muda estratejia jogu nian ne’ebe nafatin halo ameansa ba malu liu husi halo presaun no kontra atake ba malu ne’ebe tama ba minutu 88 jogador Deonizio da Silva husi Zebra FC marka golu halo adversariu nia redi nakdoko hodi hatuur kedas skore ba 1-0 ne’ebe to’o minutu remata la iha tan jogador husi ekipa rua marka tan golu ida ne’ebe to’o minutu 90 remata skore nafatin 1-0, uniku golu husi jogador Zebra FC ne’e lori nia klube hetan pontu tolu iha joga refere.
Depois jogu remata treinador FIEL FC Hermelio Conceicão dehan, tatiku no jogu ohin sita koko no esforsu hotu maibe sira derrota, jogu tuir sira halo preparasaun diak liu tan
“Buat hotu ohin ami koko no esforsu ona tantu jogu no tatika maibe ami derrota kontra Zebra ne’ebe ida ne’e lisaun ida ba ami atu nune’e ami bele halo preparasaun iha jogu diak liu tan”, tenik Hermelino
Hermelino Golu husi adversariu tanba faila iha lina klaran lakon rezistensia hasoru jogador Zebra FC
Iha sorin seluk treinador Zebra FC Antonio Moc hatete, agradese ba adeptu .
Zebra FC ne’ebe sempre suporta, iha jornada daruak sira bele hetan pontu no jogu tuir sei esforsu para hetan pontu tan
“Hau Hakarak agradese ba adeptu Zebra FC nian ne’ebe fo suporta makaas mai ami ne’ebe iha jornada daruak ami bele hetan vitoria ho pontu tolu, jogu lima tuir mai sira sei esforsu hadia ami lina avansadu para hetan pontu tan nune’e bele hakat ba divizaun dahuluk Liga Timorense”, Antonio hateten
Antonio aumenta tan, jogu ohin lao diak maibe arbitrajen la hatudu performa diak bainhira dirije jogu ne’e hakarak husu parte arbitrajen para tuir mai tenki halo selesaun arbitrajen atu nune’e hatudu nia profisionalidade iha kampu labele provoka situsaun iha kampu.
Reportajen: Augusto dos Santos