Komemora Revolusaun Ai-Funan ! Tempu Hamosu Kompaixaun & Hari’i Damen
Imajem : Diretor Ezekutivu Centro Nacional Chega Hugo Maria Fernandes iha Antigo Komarka Balide, Quinta, (25/04/2024)
SAPNewsTL, Díli – Centro Nacional Chega Institutu Públiku (CNC I.P sigla Portugués) komemora revolusaun ai-funan (Revolução dos Cravos ba dala 50 ho tema jéral Tinan 50 momentu históriku 25 Abril reflesaun kona-ba Deskolonializasaun iha Timor-Leste 1974-1975
Diretor Ezekutivu Centro Nacional Chega Hugo Maria Fernandes hateten,Dinamika situasaun Timor-Leste nian iha prosesu deskolonizasaun refere akontese mudansa iha aspetu oioin, inklui iha vida sosial, politika, militar tantu iha kapital no mos iha nivel lokal. Dinamika hirak-ne’e la ses de’it kulmina iha konflitu armadu interna ne’ebé mak violentu tebes iha istoria moderna Timoroan nian.
“Centro Chega I.P nu’udar Instituisaun memoria ne’ebé mak hakarak transforma memoria pasadu sai hanesan lisaun aprendijazen ba harii pas no rekonsiliasaun, inisia konferensia ho tema, Tinan 50 Momentu Istóriku 25 Abril Refleksaun kona-ba Deskolonizasaun iha Timor-Leste 1974-1975, nu’udar espasu ba reflesaun no dialogu internasional hodi hamosu sensu, empatia no kompaixaun ba hari’i dame”. Diretor Ezekutivu Centro Nacional Chega Hugo Maria Fernandes liu husi Diskursu iha Antigo Komarka Balide, Quinta, (25/04/2024)
Dirijente CNC Hugo Fernandes argumenta, objetivu husi konferensia ne’e, atu hasa’e koiñesementu publiku nian kona-ba dinamika situasaun sosial, politika no militar nian iha prosesu deskolonizasaun tinan 1974-1975.
Iha ambitu selebrasaun ne’e hamosu komprensaun públiku nian kona-ba ema-nia esperiénsia no esperansa sira durante periodu mudansa boot prosesu deskolonizasaun nian, hodi hari’i pas no rekonsiliasaun iha Timor-Leste, Tenik nia.
“Loron 25 Abril 2024 marka tinan 50 Revolusaun Ai-funan (Revolugao dos Cravos) iha Portugal. Revolusaun ida-ne’e implika tranzisaun ba demokrasia iha Portugal no ninia impaktu mai iha Timor-Leste momentu ne’eba mak prosesu deskolonizasaun, Hahu husi ne’eba mak loke fila fali prosesu Timor nia rezistensia hodi fó liberdade ba Timoroan sira atu hari Partidu politiku, iha 25 Abril Timoroan hahu organiza no estabelese partidu politikus hanesan UDT, FRETILIN, no APODETI, Durante tinan 25 ita iha konflitu nia laran hahu husi funu maun alin”.
Nia hatutan, implikasaun to’o ohin loron tan ne’e iha tinan 50 momentu istoriku 25 Abril ida ne’e, sai momentu importante atu bolu fila fali ita-nia memoria, halo reflesaun atu komprende dinámika situasaun sira iha momentu ne’eba, ema nia esperiénsia, esperansa, no deseju sira iha ambitu mudansa boot ida ne’ebé lori ba asaun partikular sira hodi marka Timor nia istoria.
Iha palestra, Lider istóriku Mari Alkatiri husu lider nasional sira hodi hatudu brani hateke ba kotuk, brani koalia ba malu, brani tuir hamutuk hodi hateke ba oin tanba tinan naruk ona Timor sei hasoru problema barak iha saude, edukasaun, ekonomia no polítika.
“Tempu to’o ona, lider nain lima ka neen tenki brani koalia ba malu,brani hateke ba kotuk, tur hamutuk halo balansu hodi hateke ba oin tanba tempu naruk Timor sei hasoru problema edukasaun, saude, ekonomia no seluk tan”. Deklara Sekretariu Jeral Partidu FRETILIN Mari Alkatiri.
Entertantu, iha selebrasaun ne’e partisipa direita husi, Vice Ministru Asuntu Parlamentar, Adérito da Costa, Eis Primeiro Ministru no aktual Sekretario Geral Partidu Partidu Frente Revolucionaria de Timor-Leste Independente (FRETILIN), Mari Bin Amude Alkatiri, Diretor Ezekutivu Centro Nacional Chega Hugo Maria Fernandes Provedoria Direitus Humanus e Justiça (PDHJ sigla Portugués), Virgilio da Silva Guterres (Lamukan), Embaixadora Portugal Manuela Bairos, Sosiedade Sivil, Aktivitas husi Movimentu Rezistensia Sosial (MRS) Estudante Universidade Nasionál Timor Lorosa’e (UNTL), no Universidade da Paz (UNPAZ).
Jornalista : Guilhermino Ramos da Cruz