TANE Lansa Rezultadu Peskiza Ba Loja 21, Produtu Balun Folin Hahú Sa’e
![](https://sapnewstl.com/wp-content/uploads/2022/09/image-96-edited.png)
SAPNewsTL, Dili : Asosiasaun TANE Konsumidór halo lansamentu ba resultadu peskija kona-ba folin ai-han ba loza sira hamutuk 26 iha kapital Dili, Tuir Ekonomista Albertina Soares Rodrigues haktuir peskija ne’ebe iha loron 22 to’o 26 fulan agustu 2022, resultadu peskija hatudu katak produtu balun nia folin hahu sa’e.
Iha intervista Ekonomista Albertina Soares Rodrigues katak estudo kabaz ai-han ne’e kompostu husi produto 21 ne’ebé maka iklui foz, farina husi trigu, naan ikan, naan manu, naan fahi ho naan karau, masin midar, manteiga, mina, susu ben rahun, manu tolun, ai fuan masan ho sabraka, modo tahan fehuk roupa, senoura, tomate no bebida sira alkolika no la’os alkolika cola, sumu ho gás, sumu la ho gás, serveja.
“Rekolla folin ne’e hala’o iha loja 21 iha loron 22 fulan Agostu 2022 to’o abril 2022, TANE ninia objetivu maka atu ajuda konsumidór sira hodi hatene iha ne’ebé maka bele hetan produto sira baratu liu, nune’e bele halo planu di’ak liu wainhira atu hola sasan no bele hili ho lolos”. Dehan Ekonomista Albertina Soares Rodrigues ba jornalista sira iha Sede TANE, Sexta-Feira, 23/09/2022.
Nia akresenta, DIlimart oferese cabaz Ai-han baratu liu iha fulan Agustu, ho folin baratu liu husi $56,20, Cabaz ne’ebé karun liu maka iha Family First Hudi Laran, atinji folin $72,35 ba produtu Ai-han ne’ebé maka hanesan. Diferença maka $16,15 hare ba kbiit atu hola sasan husi Timor oan sira signikativa tebes.
Nia hatutan, ai-han ne’ebe faan baratu liu maka iha loza sira hanesan loza leader Comoro, Grasa shop (Comoro), Phoenix 368 (Akait), no Seara Central
“Hanesan fos 20kg baratu liu iha Leader Comoro – $13,50; iha Grasa shop (Comoro) maka folin kiik liu ba nan manu – $2,50/kg nan karau folin kiik liu iha Phoenix 368 (Akait) $6, ba masan no farinha husi trigu baratun liu iha Seara Central $1/kg ba produto rua ne’e”.katak nia.
Akademista ne’e informa Husi produtu sira hotu maka analiza, produtu 12 maka folin sa’e, ne’ebé maka bele to’o ba 45%, hanesan sabraka $1,45 Hanesan mos naan manu $2,5, kombong ($1,70),masin midar $0,85 no mina $4,25 sira maka entre produto sira be aumentu as liu 20%. Rekolla folin ne’e hala’o iha loja 21 iha loron 22 fulan Agustu Rekolla hala’o dezde 2020 no estudu ikus iha fulan Abril 2022.
Entretantu, Diretor TANE konsumidór Antonio Ramos da Silva realsa Levantamentu dadus TANE halo iha rezultadu fulan Agostu nian, produtu alimentar sira ne’ebé konsumidor sira konsumu kompra husi loja hirak iha Dili laran
“Vizibilidade ne’e makaas los, tanba iha organizasaun internasionál balun ho konsumidor internasionál balun ne’ebé sira nia rezidénsia iha área Dili laran, uza vizibilidade hanesan referensia ida bainhira ba kompra produtu iha loja, inklui mos trabalhador estranjeiru balun ne’ebé husu ida ne’e, nune’e instituisaun ne’ebé sira servisu ba bele hasa’e sira nia salariu, tanba tendénsia folin foti dadus husi TANE”.
Nia sublinha, TANE halo regular kada fulan ha’at 4 hahu hala’o iha inisiu fulan Agostu no sei kontinua halo iha fulan Dezembru, hakarak informa mos katak TANE halo atividade advokasia ne’e hodi oferese informasaun ba konsumidor sira, sai hanesan defeza ba konsumidor
“konsumedor sira bele asesu ba informasaun, ajuda konsumidor sira halo jestaun literasia finanseira ba sira nia osan, bainhira kompra produtu iha loja, nune’e mos TANE husu ba autoridade reguladora iha diresaun konsumidor iha ministeiru komersiu atubele implenta lei iha terenu kona-ba komérsiu justu”. Nia husu
Jornalista : Antonio Tilman & Marcela Mery da Costa
Editor : Ekipa Editorial