Garante Ensinu Kualidade, CNC Transmite Formasaun Direitu No Istória Ba Manorin Sira
Imajen Professores Iha Salaun CNC, I.P, Balide, 10/10/2022. Foto : Antonio Tilman
SAPNewsTL, Dili : Ministériu Edukasaun Juventude Desporto servisu hamutuk ho Centro Nacional Chega, Institutu Públiku (CNC.I.P) liu husi Divizaun Edukasaun no Formasaun (DEF, CNC. IP) transmite formasaun ba professor/a Ensino Báziku Segundu Siklu sira durante loron 5 husi Munisipiu 11 hamutuk 58
Objetivu husi programa ida ne’e atu hasa’e no haklean konhesimentu manorin sira nian kona-ba edukasaun istória no direitus humanus iha Timor Leste
“Formasaun ne’e bazeia ba rekomendasaun husi avaliasaun, iha tinan ida ne’e Centro Nasional Chega halo koperasaun ho MEJD liu husi Infordepe hodi matéria didatika sira no ohin fo duni formasaun ba professor/a sira liliu kona-ba Istória no Direitus Humanus durante loron lima” Dehan Diretor Divizaun Edukasaun Formasaun CNC, IP. Vincente Borges Maia ba jornalista iha salaun Koferensia Centro Chega, Sengunda Feira (10/10/ 22).
Diretor ne’e haturan, formasaun ne’e fazeadamente, iha tinan ne’e planu husi Centro Nasionál Chega total 115 professores, husi Ensino Bazíku liu-liu ba professores 6° Ano, faze dahuluk 57 no faze daruak 58 professores
“Tinan ne’e, ita sei foka ba Muniscipiu 11 la inklui DÍLI ho RAEOA, maibé depois ba tinan oin ita bele kontinua formasaun ba professores sira, professres 115 ne’e la to’o metade husi professres ne’ebé mak iha” Esplika nia
Bazeia ba rekomendasau Chega, governu liu husi Ministrériu Edukasaun Juventude no Desportu (MEJD) halo kooperasaun ho ajensia hot-hotu hanesan, Sosidade Sivil, Igreja, hodi dezembolve matéria Edukasaun Historia no direitus humanus. ba iha Ensino Bazíku to’o iha Ensino Superior.
Entretantu, Vice Presidente Gabinete Formasaun Profisional, Rui da Costa Belo akresenta, Ministrériu Edukasaun Juventude no Desportu liu-liu INFODEPE mak resposabiliza formasaun ba professores iha teritóriu tomak husi nivel ensinu Pré-Eskolar to’o Sekundáriu ho Tekniku Vocacional.
“Formasaun ba professor sira ne’e kna’ar INFORDEPE ninian liu-liu Gabinete Formasaun Profisional kontinua ho kualker parseiru ou institusaun sé de’it husi hodi fo formasaun professores koopera ho Gabinete INFORDEPE, bainhira parseiru halo formasaun sein kuñesimentu husi INFORDEPE, maka INFORDEPE sei hapara”. Informa nia
Nia salienta, Depois formasaun Professor sira sei ba implementa iha sira nia eskola rasik, Manual suplementu ne’e iha kurikulu, sira mos iha manual rasik kona-ba manual kurikulu, iha ne’eba iha disciplina sensia sosiais iha ne’eba mos iha manual sensia sosiais maibé ida ne’e halo manual suplementu atu reforsa tan manual ne’ebé iha
Enkuantu, Professores ne’ebé tuir formasaun iha primeiru etapa hamutuk 57, iha Segundu etapa 58 total 115 professores, tuir planu sei kontinua fo formasaun ba professores sira nune’e bele desenvolve diak liu tan kapasidade ensinu professor sira nian iha Timor Leste
Jornalista : Antonio Tilman & Jonh Marito
Editor : Ekipa Editorial