Polítika Sosa Pajero, MOTA RDTL Konsidera Deputadu Sira Laiha Sensibilidade

SAPNewsTL, Dili : Relasiona ho politika sosa pajero Sport 30 no Laptop 65 ba deputadu sira, liu husi komunikadu Imprensa Movimentu Tane RDTL (MOTA-RDTL) konsidera Deputadu sira iha uma fukun Parlamentu Nasional laiha seriedade hodi diskute problema ne’ebe povu hasoru maibe halo fali proposta hodi sosa kareta no laptop

Tuir porta voz MOTA-RDTL Abilio da Costa hatete  Movimentu Tane RDTL la safisfas ho politika parlamentu nasional ne’ebe mak aprova orsamentu millaun 1.950 hodi Sosa kareta no laptop ba membru Parlamentu Nasionál

“Movimentu Tane RDTL lamenta tebes ho politika kinta lejislatura PN nian ne’ebe aprova proposta orsamentu privativu ba sosa kareta no Laptop, ami husu reprezenta povu iha uma fukun Parlamentu Nasional atu diskuti foka ba dezenvolvimentu nasional liliu Ekonomia, Saúde, Edukasaun no seluk tan”. Hateten Porta Voz MOTA-RDTL Abilio da Costa ba Jornalista sira iha Jardim 5 de maio, Quarta-feira(12/10/2022)

Nia haktuir, reprezentante povo la tau prioridade ba problema ne’ebe mak povu enfrenta maibe sira aprova orsamentu hodi Sosa kareta no laptop ba sira nian aan

“Tuir MOTA-RDTL haree katak reprezentante Povu iha uma fukun PN laiha seriedade ba diskuti problema prioridade ne’ebe povu Timor Leste enfrenta iha prosesu dezenvolvimentu nasional maibe pelu kontrariu sira diskuti no aprova fali osamentu privativu hodi sosa kareta no Laptop ba sira nia an mesmu mandatu atu termina.”Tenik nia

Nia Informa, tuir dadus konkretu ne’ebe MOTA RDTL asesu, Suku Manelobas, Posto Administrativo Maubisse, Munisipio Ainaro oras ne’e dadaun enfrenta problema linha eletrisidade ne’ebe VIII Governo maka instala liu husi Kompanhia UKA II maibe kria diskriminasaun boot iha povu Suku Manelobas tanba projeitu linha eletrisidade iha Suku Manelobas ba uma kain 190 deit, husi total uma 350 iha suku Manelobas

Nia hatutan, tuir dadus ne’ebe mak MOTA RDTL kolleta, Deputadu Parlamentu  Nasionál  seidauk asesu dadus kona-ba preokupasaun ne’ebe povu enfrenta iha baze

“Problema ne’ebe povu Manelobas enfrenta, MOTA RDTL sente katak deputadu sira iha parlamentu nasionál laiha dadus tanba lahalo fiskalizasaun, tur iha fatin deit maibe produs proposta orsamentu sosa kareta, PN la hare ba povu nia susar no terus iha nasaun RDTL”. dehan nia

Enkuantu, Assosiasaun ne’e husu Parlamenu Nasionál hapara polítika sosa pajero ba deputadu sira, maibe solusiona uluk problema no preokupasaun ne’ebe povu hasoru iha terenu

Jornalista  : Marcela da Costa & Absalão da Costa

Editor       : Ekipa Editorial