Joven 111 Asina Akordu, Hong Husu Timor Oan Hatudu Imajen Diak Ba Mundu

SAPNewsTL, Dili : Sekretariu  Estadu   Formasaun Profisional  no Empregu  (SEFOPE), Embaixador Korea, kandidatu traballador no familia traballador kuarta-feira ne’e asina akordu hodi prepara ba servisu iha Korea do Sul, Traballador ne’ebe asina akordu ne’e hamutuk atus ida sanulu resin-ida (111), kompostu husi feto ha’at (4) mane (107).

Tuir Sekretariu  Estadu   Formasaun Profisional  no Empregu  (SEFOPE), Alarico do Rosáriu hateten objetivu husi asina akordu ne’e, parte governu hamutuk ho familia sira hodi hatudu sira nia prontidaun katak inan aman sira prontu  atu husik oan sira ba servisu iha ema nia rain

“Objetivu husi asina Akordu husi parte Governu  hamutuk ho Famila sira ho Komitmentu katak familia prontu ona atu husik sira nia oan ba servisu iha Korea, la’os Estadu mak obriga, Estado kria kondisoens deit  atu nune’e ita nia oan sira bele aproveita hadia sira nia moris“. Dehan Sekretariu  Estadu   Formasaun Profisional  no Empregu  (SEFOPE), Alarico do Rosario ba Jornalista sira iha Salaun Timor Lodge, Dili,12/10/2022.

Governante ne’e hatutan traballador 111 ne’e sei servisu iha area fabrika 29, peskas 82

“Ita nia preparasaun ba  Mobilidade Laboral ba Korea  iha etapa ida ne’e,  ita prepara kuaze Traballador Regular ka foun ne’ebe tama ba iha korea  hamutuk  111 pesoas, husi 111 ne’e kompostu husi feto nain ha’at (4) mane atus ida resin hitu  (107) ba Servisu iha area Fábrika 29 pessoas,  iha area Peskas 82 pessoas”. Nia Dehan

Iha fatin hanesan, Embaixador Korea Hong Jin Um aumenta husu  traballador sira atu hatudu komportamentu ne’ebe diak, badinas no kreativu

“Ita bo’ot sira labele haluhan katak, imi mak sai ponte ba Timor nia passadu no futuru, ohin imi bele ba Korea, tanba esforsu no sakrifisiu ne’ebe imi nia maun no senior halo ona iha passadu, imi tenki hatudu komportamentu servisu ne’ebe diak, badinas liliu hatudu imajen diak  iha Korea, Povu Korea sei konhese no difini Timor Leste liu husi ita bo’ot sira nia hahalok”. Nia hakotu

Entretantu, traballador hirak ne’e sei aranka ba Korea do Sul iha loron 16 fulan outobru semana ne’e

Journalista  : João Marito & Antonina Lopes da Silva

Editor           : Ekipa Editorial