Eskola EBF 12 De Outobru Selebra Aniversariu Ba Dala 22
Imajen Kordenadora Eskola Básica Filial 12 de Outobru Roza Coreia
SAPNewsTL, Dili : Eskola Básica Filial 12 de Outobru selebra nia aniversariu ba dala Ruanulu resin Rua(22), Iha selebrasaun ne’e Kordenadora eskola Roza Coreia,hateten loron 12 Outobru hanesan loron espesial ba eskola bázika ida ne’e tanba João Paulo II sira foti sai mahein ba iha eskola refere
“Ohin ami husu missa agradesementu ba iha eskola ida ne’e, Objetivu atu relembra fila fali kona-ba São João Paulo II, momentu nia sama nia ain fatin iha Dili liu-liu iha Tasi-Tolu ida ne’e katak ami nia eskola iha fatin ne’ebe santu, ohin ami selebra no atu lembra fila fali ba iha tempu pasadu iha tinan 1989”. Dehan Kordenadora Eskola Roza Coreia Ba jornalista SAPNewsTL iha Eskola EBF 12 de Outobru Tasi-Tolu.
Imajen Eskola Básica Filial 12 de Outobru
Diretora ne’e mos hatutan tan sira agradese ba Papa João Paulo II tanba liu husi nia presensa iha Timor mak bele lori vitoria kona-ba ita nia independénsia.
“Aktividade sira ne’ebe ohin ami halo mak hanesan Missa agradesementu, aktividade kultural hanesan estudante sira hatudu sira nia dansa kultura, fanun sira kria amizade iha eskola ida ne’e hodi alkansa ami nia oan sira nia futuru”. Nia hatutan
Enkuantu, Estudante iha eskola ne’e hamutuk Mill oitusentus korenta seis Alunos( 1.846)Professor kontratadu ho permanente hamutuk 27, no voluntariu hamutuk 20
Jornalista : Soriano de Jesus & Absalão da Costa
Editor : Ekipa Editorial