![Assanami : Ha’u Nia Haku’ak no Kongratula Ba traballador Timor Oan Iha rai-Liur, Imi Mak Heroi Foun Ba Timor Nia Desenvolvimentu Assanami : Ha’u Nia Haku’ak no Kongratula Ba traballador Timor Oan Iha rai-Liur, Imi Mak Heroi Foun Ba Timor Nia Desenvolvimentu](https://sapnewstl.com/wp-content/uploads/2022/04/assa2.jpeg)
Assanami : Ha’u Nia Haku’ak no Kongratula Ba traballador Timor Oan Iha rai-Liur, Imi Mak Heroi Foun Ba Timor Nia Desenvolvimentu
Lautém, 10 Abril 2022 : Iha Komísiu Kampanha Ronde Daruak kandidatu Presidente Dr. José Ramos Horta iha Munisipiu Lautém, Eis Kandidatu Presidente da Repúblika Enjeñeiru Mariano Assanami Sabino ‘’ fo apresiasaun no kongratulasaun ba traballadores Timor oan iha estrangeiru, imi nia servisu bele estimula oan sira ba eskola, halo uma dignu ba familia no lori moris diak ba familia iha Timor-Leste, imi mak heroi foun ba nasaun ida ne’e’’.
Iha diskursu Eng. Mariano Assanami Sabino hato’o parabens no hakuak boot ba traballadores sira hotu iha Inglatera, Irlandia, Korea no Austrália, imi bele halo servisu saida deit, maibe imi nia kontribuisaun importante tebes tanba imi mak hatama osan barak liu depois fundu minarai.
Presidente Partidu Demokrátiku ne’e mos husu ba jovens sira, inan aman sira, Lautém oan sira no Povu Timor-Leste, iha dia 19 de Abril 2022, hili Dr. José Ramos Horta ba Presidente da Repúblika hodi hatur fila fali ita nia konstituisaun, restaura fila fali ita nia konfiansa, dinamiza ita nia desenvolvimentu no kria kampu de servisu ba joven sira. Hatete Assanami iha Lautém, 10/04.
![](https://sapnewstl.com/wp-content/uploads/2022/04/assa1.jpeg)
![](https://sapnewstl.com/wp-content/uploads/2022/04/assa2.jpeg)
![](https://sapnewstl.com/wp-content/uploads/2022/04/ramoshorta.jpeg)
![](https://sapnewstl.com/wp-content/uploads/2022/04/ramosxanana.jpeg)
![](https://sapnewstl.com/wp-content/uploads/2022/04/cnrt-ramos-lautem.jpeg)
![](https://sapnewstl.com/wp-content/uploads/2022/04/cnrt-ramos-lautem2.jpeg)
Joven matenek tenki kria kondisaun ba ninia an, hanesan emprezáriu Bandidu Kualidade halo no sira seluk halo, maske nune’e maibe futuru tenki diak liu ba jovens sira, futuru tenki diak liu ba povu ida ne’e, ema hotu tenki sai Um iha rai ida ne’e.
Assanami afirma, ita mai husi partidu oioin, ita dekolores, ita iha kor oioin, maibe dia 19 abril ita tenki ba tu’u iha kuak ida deit, kuak númeru 1 Dr. Ramos Horta, nue’e ita bele hametin ita nia relasaun internasionál, ita nia realasaun ho Comunidade dos Paizes da Lingua Portuguesa (CPLP), ita nia relasaun bele metin no forte liu tan ho País vizinhu Indonésia no Austrália.
Ita nia konfiansa ba Dr. José Ramos Horta, ita bele luta, ita bele adere ba ASEAN, tanba ho nia kaliber internasionál, belun barak bele influensia no dada investidores sira husi rai-liur mai investe iha ita nia rain. Dehan Assanami iha nia diskursu iha Lautém, 10/04/2022.
Jornalista : Absalão da Costa Lopes
Editor : Luis Pailofo