Klibur Roman Realiza Kursu Gratuita Ba Estudante 200 Itál Iha Kampus Sentral UNTL
Dili, 09 Abril 2022 (Sapnewstl) : Organizasaun Klibur Roman Realiza Kursu Gratuita Durante Fulan tolu hanesan Lian Ingles, Portuges, Korea, Spainol, Auto Cad Desing no Lideransa Ba Estudante Universitariu Sira Hamutuk Atus Rua Resin Husi ICS, UNITAL, IOB, DIT, UNTL inklui Finalista Sekundaria balun Iha Kampus Sentral Universidade Nasional Timor-Lorosa’e
Iha intrevista ho Presidente Organizasaun Klibur Roman Igitro dos Santos hateten, Klibur Roman nia ezistensia mak atu halibur Timor oan hotu no fo roman ba Timor oan hotu. Formasaun ne’ebe KR fornese ba estudante sira hamutuk 200 ital ne’e, ita fo ho gratuitamente ho durasaun fulan tolu, nune’e sira bele desenvolve sira nia kuñesimentu iha area lingua, lideransa no teknika.
Igitro mos husu partisipante sira hatudu ita nia seriedade, prontidaun no responsabilidade nu’udar Joven iha formasaun ida ne’e hodi aprende ba malu, kompleta malu no eleva imi nia abilidade ida-idak. Nia mos espera katak hafoin tuir formasaun ida ne’e, partisipante sira iha ona kuñesimentu naton, bele pratika no transmite fali ba ema seluk. Tenik Igitro ba Jornalista, Dili, 09 Abril 2022
Iha fatin hanesan Xefe Divizaun Formasaun Claudio Ximenes hateten, Objetivu husi formasaun hirak ne’e atu forma, improviza no hasa’e kunesimentu joven sira nian, aumenta kapasidade no hadia joven sira nia atetude, nune’e joven sira bele prepara nia bukae ba futuru.
Xefe Divizaun Claudio garante katak formasaun ne’e bele estimula foinsa’e partisipante sira bele reforsa no haklean sira nia kunesimentu kona ba lingua, lideransa ka leadership no Auto Cad Desing. Dehan Claudio iha Intrevista ho Jornalista Sapnewstl Sergio Delekuar, Dili, 09-04-2022.
Entretantu, partisipante Izaura Soares husi Universidade Institutu Ciénsia da Saúde, nia sente onradu, orgullosu no agradese ba oportunidade importante ida ne’e, tanba Klibur Roman ho laran luak bele iha inisiativa hodi fasilita no loke kursu gratuita ba ami estudante sira ho durasaun fulan tolu.
Ha’u konsidera formasaun ida ne’e fundametu no krusial tebes ba ami, liliu mai ha’u hanesan estudante ne’ebe estuda iha Departamentu Enfarmagem, ho kursu Spainol ne’ebe ha’u tuir bele ajuda ha’u aprende hodi bele desenvolve ha’u nia kuñesimentu sientifika liliu iha area saúde nian. Dehan Izaura
Ha’u espera katak, ho kursu durasaun fulan tolu, karik bele natoon ona mai ami hodi koalia no partilla fali ba maluk Timor oan sira seluk ne’ebe presiza. Izaura hatete, Dili, 09 Abril 2022.
Enkuanu formasaun ida ne’e, sei la’o durante fulan tolu, tuir planu sei kontinua loke ba jovens ne’ebe iha interese atu aprende inklui sei fo kontinuidade ba kursu anterior, nune’e bele Produz no garante Jovens Exclente iha area lingua, tekniku no lidernsa iha futuru mai.
Jornalista : Sergio Delekuar
Editor : Angelito Watamuto