Impata 2-2, Academica & Ponta Leste Fahe Pontu Iha Liga Timorense
![](https://sapnewstl.com/wp-content/uploads/2023/02/AS-Ponta-Leste-vs-Academia.jpg)
Imajem Academica FC kontra AS Ponta Leste, iha Estadium Munisipal Dili Domingu, 19/02/2023.
SAPNewsTL, Dili: Academica FC kontra AS Ponta Leste ho skore 2-2 iha jornada dahuluk divizaun dahuluk Liga Timorense epoka 2023, ekipa rua tenki fahe pontu ida-ida ba malu tanba sira nia forsa hanesan iha jogu refere.
Joga Academica FC kontra AS Ponta Leste hala’o iha Estadium Munisipal Dili Domingu, 19/02/2023.
Iha jogu parte dahuluk bainhira arbitrajen huu kick off ekipa rua halo kedas jogu tuir ida-idak nia estratejia hodi anima adeptu sira hodi halo presaun no atake ba malu ne’ebe tama minutu 12 jogador Revelino Martins marka golu liu husi suta falta halo guarda redi Academica FC la asegura nia redi husi jogador adversariu hodi hatuur skore ba 1-0.
Skore ne’e halo jogador ekipa rua aumenta ritmu jogu ne’ebe tama ba minutu 27 jogador Academica FC Juvinal Boavida marka golu liu husi oin ho oin hasoru baliza Ponta Leste iha area penalidade laran halo Baliza Ponta Leste la asegura nia redi nakdoko tiha hodi muda skore ba 1-1, depois tama ba minutu 38 jogador Damianus Putra husi Academica FC aumenta tan golu ida liu husi suta penalidade hodi muda kedas skore ba 2-1 no hela minutu hitu ikus ekipa rua la iha ida mak marka tan golu ne’ebe jogu parte dahuluk minutu 45, Academica FC lidera ho skore 2-1.
Kontinua ba jogu parte dahuluk ekipa rua muda estratejia jogu tuir ida-idak nia treinador nia estratejia ne’ebe AS Ponta lakoi lakon sira halo presaun makaas ba Academica FC no adversariu halo jogu kontra atake ne’ebe tama ba minutu 61 jogador AS Ponta Leste Jose Pereira marka golu liu suta bola besik area penalidade nian halo baliza Academica FC nia redi nakdoko ba dalarua hodi muda kedas skore ba 2-2.
Iha minutu 19 ikus ekipa rua ne’e la iha ida tan mak aumenta golu tan hodi muda skore maski ekipa rua nafatin halo presaun ba malu ne’ebe to’o minutu 90 remata skore nafatin 2-2 hodi rezulta Academica FC ho AS Ponta Leste tenki fahe malu pontu ida-ida iha divizaun dahuluk Liga Timorense epoka ne’e.
Depois jogu remata asistente treinador Lourenço da Costa dehan, sira hakarak fo parabens ba Academica FC ne’ebe fahe pontu ho sira
“Hau hakarak fo parabens ba Academica FC tanba mai ho jogador estranjeiru amk tenke fahe pontu ida-ida ne’ebe ami nia esforsu mak nune’e no jogu tuir mai ami sei hadia ami nia ekipa para bele hetan pontu tolu”, tenik Lourenço
Iha sorin seluk treinador Academica FC Luisinho dos Santos Saco hatete, sira nia jogu dahuluk difisil tebes atu termina mezmu preparasaun diak tanba ekipa AS Ponta Leste ne’e forsa tebes nakonu ho jogador selesaun nasional Timor-Leste
“Ohin ami nia jogu dahuluk difisil tebes atu termina mezmu halo preparasaun diak tanba ekipa AS Ponta Leste ami hasoru ne’e ekipa zigante ne’ebe forsa tebes nakonu ho jogador selesaun nasional Timor-Leste ne’ebe ohin hau nia ekipa halo jogu diak maibe kondisaun kampu nakonu ho udan been halo hau nia jogador sira lakon iis tan ne’er hau nia jogador komesa lakon bola barak halo jogador AS Ponta Leste aproveita ida ne’e”, tenik Luisinho
Luisinho hatutan, jogu tuir mai sira nhalo preparasaun nafatin hasoru Aitana, sira sei hakaas an para hetan pontu tolu iha jogu refere
Reportajen: Augusto dos Santos