Ekonomia Uma Laran Mihis, Aldo Fa’an Bua Sustenta Moris
![](https://sapnewstl.com/wp-content/uploads/2023/04/Aldo.jpg)
Imajem : Estudante Aldo Keperkes Bani, iha Manufahi, Aldeia Simpan Tiga, Domingo,23/04/2023
SAPNewsTL, Manufahi: Estudante Aldo Keperkes Bani ho Idade kiik iha hanoin ajuda inan aman fa’an bua no ikan hodi selu nia eskola no sosa rasik sasan ne’ebe nia presiza.
Iha intrevista Jornalista SAPNewsTL ho estudante Aldo hateten aktividade ne’ebé nia halo ne’e, hodi ajuda nia inan aman sira fa’an bua ho ikan atu sustenta moris
“Aktividade ne’ebé ha’u halo loro-loron mak ha’u ajuda ha’u nia aman hodi fa’an bua no ajuda apa ama hodi fa’an ikan, ha’u tenke halo ida ne’e hodi ajuda ha’u ba buat ne’ebé ha’u presiza no familia sira presiza”. Tuir Aldo iha Manufahi, Aldeia Simpan Tiga, Domingo,23/04/2023
Aldo hatutan, tanba ekonomia familia Aldo tenke foti rasik hanoin atu bele ajuda inan aman hodi buka rasik moris hanesan fa’an sasan hodi sosa lapizeira, kadernu no sasan ne’ebe presiza hodi labele halo kolen tan inan aman.
![](https://sapnewstl.com/wp-content/uploads/2023/04/Aldo-Ho-Bua.jpg)
Imajem : Estudante Aldo Keperkes Bani, iha Manufahi, Aldeia Simpan Tiga, Domingo,23/04/2023
“Bua ho ikan ne’ebe ha’u ho nia ama fa’an, atu sosa rasik buku, lapizeira, aktividade ne’ebe ha’u halo ne’e, ha’u sente kontente tanba bele hetan rasik osan hodi selu eskola no ladun halo kole inan aman”. Nia teni
Nia akresenta, tan katak bua ne’ebé sira fa’an dalaruma sira lori ba fa’an iha uma no dalaruma mos ema hola iha uma de’it konforme ema hola.
“Bua ne’e la’os hein atu fa’an de’it, primeiru tenke sa’e hodi ku’u depois, tenke loke no habai tiha tau ba iha kesak no ense balun iha plastik depois ha’u ho ama ba fa’an iha merkadu no balun ema pesan iha uma de’it, kadan bua batan ida defende ba ema hola dolar 25 ka fo dolar 18 mos ami simu de’it no sira ne’ebe ami tau iha plastik ida dolar ida”. Nia informa
Jornalista : Ermelinda Soares