FRETILIN Promete Hadia Desenvolvimentu Sosial No Infraestrutura, Kontinua Programa Sexta Bazika
Imajem : Militantes FRETILIN Iha Munisipiu Manufahi, 22/04/2023
SAPNewsTL, Manufahi : Komisiu Politika FRETILIN Iha Munisipiu Manufahi, Vise Presidente Partidu FRETILIN Jose Manuel Nakfilak haktuir tinan agora sai hanesan tinan prioridade atu hanoin no hadia iha asuntu social, infraestrutura no atu hadia tenke iha organizasaun forte no organizasaun forte mak FRETILIN
Tuir Nakfilak, bainhira povu fo konfiansa ba partidu refere programa sexta bazika nafatin kontinua tanba programa refere sai mos planu rekuperasaun ekonomia
“Bainhira Povu nafatin Fo fiar maka Sexta-bazika sei kontinua tanba programa Sesta bazika ne’e programa anual, maske iha terenu mosu Falla oituan maibe sei kontinua tanba ne’e planu rekuperasaun ekonomia, sexta bazika laos projeito, ne’e programa tanba programa tenki fo nia inisiativu no motivasaun tenki fo koragen ba agrikultor sira atu bok an lais liu para sira bele hetan netik buat ruma”. Dehan Vise Presidente Fretilin Jose Manuel Nakfilak ba Jornalista SAPNews, iha Same,Domingu(22/04/2023)
Vise Presidente ne’e haktuir Fretilin fokus liu ba programa prioridade sira para oinsa hadia povu nia moris banhira sira tau konfiasa ba partidu refere
“Fretilin nia Komisiu ba loron ohin mak fokus liu ba programa sondagen ne’ebe halo eleisaun tinan ida ne’e kuaze 60% vota ba ida programa ne’e i la vota ba ida figura ne’e tanba ultrapasa ona laos ona nia tempu, povu prezisa programa ne’ebe maka fo benefisiu ba nia moris laos figura tanba hotu tiha Laiha ona buat ida ba Sira, Fretilin iha konfiansa tomak atu lori moris diak ba povu ne’e”Sublina nia
Imajem : Vise Presidente Partidu Fretilin Jose Manuel Nakfilak
Nia dehan, sirkulasaun orsamentu la’o nafatin durante tinan 10 resin no agora mak nia tempu hodi halo inversaun ba programa sira
“Osan iha sirkulasaun base ekonomia ne’e la’o, maibe ita hare ukun durante tinan 10 resin ne’eba agora ita tenta atu halo inversaun ba programa sira ne’e”.Tenik nia
Entertantu, Partidu Fretilin iha konfiansa karik menan ba povu tomak sei lori mudansa ba povu katak “o nia futuru mak o nia presenti 21 vota ba Fretelin Para atu bele lori mudansa ida boot liu no atu lori dezenvolvimento ba rai Timor”. nia hakotu
Jornalista : Ermelinda Soares & Ferderita Miranda