PD Prefere Tratamentu Dokumentu Hotu Tenki Lailais, Labele Husik Passaporte Ida Mate

SAPNewsTL, Likisa : Iha komisiu públiku PD daruak iha Likisa, Prezidente Partidu Demokrátiku (PD) Mariano Assanami Sabino Lopes,  haktuir wainhira PD ba kaer ukun sei haree ba sidadaun sira ne’ebe mak agora dadaun trata passaporte maibe kaderneta laiha, bilete identidade ne’ebé forma naruk no hein kleur PD hakarak ba hadia.

“Agora daudaun balun halo Passaporte, balun halo nia billete identidade antri hela, dehan surat tahan laiha tiha ona, atu halo naruk fali passaporte ida mate tiha ona, hakarak halo naruk fali data ne’e, ita sei hadia ida ne’e, i labele antri fali passaporte to’o fali semana ida semana rua, lae, ita hakarak lalais, buat hotu-hotu lalais”. Tuir Prezidente Partidu Demokrátiku (PD) Mariano Assanami Sabino Lopes wainhira hala’o komisiu públiku PD nian iha Munisipiu Likisa,23/04/2023

Assanami hatutan, atu hadia dokumentus hotu-hotu tenke lalais, hanesan karta kondusaun tenke lalais, tenke aplika liu husi elektrónika hanesan liu husi telefone, liu husi internet hodi bele aplika.

“Atu halo karta kondusaun ba kareta mos tenke lalais, atu hadia surat-surat tenke lalais, atu halo lisensa mos tenke lalais, ida ne’e mak ita dehan katak eletronika para ema bele aplay de’it husi ninia telfone ga husi ninia internet bele aplay ona”. Assanami teni

Prezidente PD ne’e fundamenta PD hakarak halo atendementu ba povu sira tenke lalais no dignu hodi haree garante governasaun ida ne’ebé servi duni nia povu tuir padraun estandar ne’ebe di’ak.

“Ita hakarak governasaun ida ne’ebe ke efektivu, efikasai i governasaun ida ne’ebe servi duni povu, servi duni inan aman sira sai estadu modernu estadu ho padraun estandar ne’ebe ke di’ak”. Nia informa

Jornalista : Ferderita Miranda & Ermelinda Soares