![CNRT & FRETILIN Kestiona Tratamentu Desigual Ba Família Funsionáriu PN Ne’ebe Hetan Susar CNRT & FRETILIN Kestiona Tratamentu Desigual Ba Família Funsionáriu PN Ne’ebe Hetan Susar](https://sapnewstl.com/wp-content/uploads/2023/05/CNRT-Bankada.jpg)
CNRT & FRETILIN Kestiona Tratamentu Desigual Ba Família Funsionáriu PN Ne’ebe Hetan Susar
SAPNewsTL, Dili : Relasiona ho Politika Parlamentu Nasional apoiu familia funsionariu Parlamentu nian ne’ebe hetan susar, Chefe Bankada Partidu Congresso Nasional Rekonstrusaun de Timor (CNRT) hateten Parlamentu Nasional iha regras rasik hodi bele atende susar husi funsionariu no kada deputadu sira ne’ebe mak familia sira hetan susar
"Parlamentu Nasional iha regra rasik hodi bele atende susar husi funsionariu ka deputadusira nia familia ne'ebe hetan susar, ita hotu rona tuir husi meza tamba governu iha nia regras, ita mos presija hatene to'o iha ne'eba hanesan bankada ita rona husi meza tamba meza forma iha ninian regras rasik ne'ebe mak ita mos presija hatene.hanesan ita hotu rona foin dadauk iha loron liu ba ita nia deputadu bankada FRETILIN Dario Madeira levanta iha plenaria". Dehan Chefe Bankada CNRT Duarte Nunes ba jornalista sira iha sala Bankada CNRT, 31/05/2023
Sekretariu Parlamentu ne’ebé kria dezentendimentu ou halo atendimentu ida ne’ebé ladun fo satisfasaun ba Funsionariu deputadu sira durante tinan lima nia laran no koko halo konfirmasaun ho secretariu parlamentu maibe secretariu parlamentu la fo komentariu ba jornalista sira iha resintu parlamentu nasional
Entretantu, Deputadu Bankada FRETILIN Dario Madeira husu ba sekretariadu parlamentu nasionál ninian bele hare’e pondera sasan sira hanesan ne’e, nune’e Funsionariu deputadu sira ne’ebé iha ne’e bele hetan tratamentu ida ne’ebé hanesan
“Ha’u hakfodak bainhira hare’e estatutu deputadu nian ne’e, iha ne’eba iha atendimentu ba familia sira ne’ebé mate, mais durante kotuk liu ba hetan tiha atendimentu iha klaran ne’e foin daudaun ne’e sai tiha fali vitima i ida agora mai oin ne’e hasai tiha ona rezolusaun ida para bele responde fali ida ne’e, ita nia Funsionariu parlamentu ne’e lubuk ida iha ne’e laiha atensaun ba ida ne’e”. Deputadu Bankada FRETILIN Dario Madeira iha Uma Fukun PN, 30/05/2023
Dario sublinha liu tan “Agora durante servisu parlamentu nasionál nian liuliu ba sekretáriu parlamentu nasionál nian hare’e asuntu sira hanesan ne’e ga lae, tanba ema balu hetan tratamentu diak ema balu iha hotu instituisaun hanesan mak deskriminadu”
“Ha’u nia konsiderasaun ne’e tratamentu ida la igual iha tinan lima nia laran ne’ebé hau deskobre mak ida ne’e, tanba ne’e maka ha’u foti iha fatin ida ne’e, karik iha meius atu rezolve bele hare’e entaun tenki hare’e, Tanba ita nia Funsionariu sira balu iha ne’e família balu mate hetan ajuda ba seremonia funebre ninian i balu la hetan fali to’o lei ne’e tama em vigor direitu to’o lakon tiha deit, agora mai oin fali ita sura foun”.nia kestiona
Enkuantu, Jornalista sira tenta atu halo komfirmasaun ho sekretariadu Parlamentu Nasional maibe la konsege fo komentariu
Jornalista : Lidia Amaral