Kapital Dili Sai Fo’er Ho Lixu, CNRT Konsidera Sidadaun Barak Konsiénsia La’ek

SAPNewsTL, Dili – Relasiona ho lixu ne’ebe sidadaun sira soe arbiru no jestaun ba lixu ne’ebe la diak iha Kapital Dili, Deputada Bankada CNRT Maria Fernanda Lay preokupa tebes tanba lixu hamosu impaktu oioin iha sidade ida ne’e.

“Foer no plastik sira ne’ebe ema soe iha estrada ninin bainhira la rekolla anin lori sai komplikadu boot tebes ba ita, aat liu tan hatudu katak iha sidade dili ne foer ho lixu, ne’ebe mai husi populasaun aumenta sa’e makas no laiha konsiensia hodi tau foer iha nia fatin”, Dehan Deputada CNRT Fernanda lay ba jornlista iha Fatin Uma fukun parlamento nasinal, Segunda feira (30/05/2023)

Deputada CNRT ne’e husu ba governu tenki tau matan ba lixu inklui hahan ne’ebe restu soe arbiru hodi fo impaktu ba ema nia saude, bele hetan moras lais liu foer ne’ebe soe arbiru estrada no baleta Sira iha Dili laran.

Iha fatin hanesan, Deputada Bankada CNRT Brizinha Anabela mos hatutan tan katak “Ita tenki buka mekanismu seluk i depois rekolla lisu sira ne’e, ita koalia kona ba lisu klaru ke ita mos prezisa iha fatin maka atu bele tau lixu tanba ita hare iha estrada ninin ita atu tau lisu ita hare la iha ema barak bele aguenta kaer to’o hetan lixu mak bele soe maibe balun naran soe deit”.nia Tenik

“Ita tenki halo kolokasaun lixu iha fatin publiku nian, ne’e importante tebes ita haree exemplu hanesan Largo Lesidere, ita hare loron hirak Liu ba lixu seo arbiru los, Ita la hatene problema lolos ne’e iha ne’ebe, Laiha kontrulu husi autoridade Dili ninian, Ministeriu Estatal Para atu tau matan ba parte hirak hanesan ne’e bele hadia sidade Dili bele sai furak liu tan iha futuru oin Mai”.nia husu

Jornalista : Ermelinda Soares