Sarani Atsabe Agradese Ba Na’in Feto, Buat Hotu Ne’ebe Diak Mai Husi Maromak

SAPNewsTL,Ermera – Sarani Parokuia Saun Jose Operario Atsabe hala’o Missa Enseramentu ba fulan rosario Nain Feto nian ne’ebe hala’o peregrinasaun ba estasaun sira iha Parokia Atsabe durante fulan ida, iha omilia Pe. Fidelio da Cruz Husu ba sarani sira tenki hatene agradese ba Aman Maromak no Nain feto ne’ebe halo vizita ona no pastoral

“ohin ami husi parokuia no sarani husi Munisipiu ida ne’e hala’o enseramentu Nain Feto nian ba fulan ida nia laran ne’ebe inan doben halo vizitasaun ba sarani Uma kain ida idak iha parokia ida ne’e, nu’udar sarani tenki hatene agradese ba maromak liu husi nain feto nia vizita inklui pastoral ne’ebe sarani sira hetan”, dehan Amu Paroku Atsabe Pe. Fidelio da Cruz ba SAPNewsTL iha fatin Parokuia Saun Jose Atsabe segunda Feira (30/05/2023)

Padre Fidelio Haktuir Enseramentu ida ne’e halibur sarani hot-hotu husi bairo 1 to’o 6 ne’ebe mak hola parte iha parokuia Ida nee ne’ebé hetan vizitasaun husi inan doben maria virjem.

Nia hatutan, “Nain Feto lori ksolok, wainhira Na’in Feto ba vizita Santa izabel, ne’ebé Na’in feto ba partilha fahe ksolok ba santa izabel, no santa izabel mos simu ksolok ida ne’e, kompartilha ka fahe ksolok ida ne’e ba malu, ho intensaun husi vizita Na’in Feto ba komunidade durante fulan ida, katak Nain Feto lori grasa i fo ksolok sarani sira”.nia teni

“Sarani Sira agradese ba maromak, no Na’in Feto ninia prezensa, no nia vizita ami hotu agradese, katak buat hotu-hotu ne’e La’os ita halo mesak, maibé buat hot-hotu ne’e halo tanba forsa no Kbi’it ne’ebe mai husi maromak, liu husi Intersesaun nain feto ninia harohan da’et, husi Intersesaun Na’in Feto ninian” nia afirma

Entertantu, durante vizita husi inan doben Sira haksolok teb-tebes, katak loron ida ho maromak, ho inan doben nia Prezensa, sempre haraik nafatin ksolok ba komunidade sira , tanba ne’e mak ohin Komunidade sira manisfesta sira nia ksolok Ida ne’e, katak loron ida ho maromak, no maromak fo ksolok ba sira no sira simu ksolok ida ne’e ho agradese no fiar metin iha maromak

Jornalista : Joao Marito