Agradese Ba Rezultadu Eleisaun, CNRT Konsidera STAE Falta Transparensia No Profisionalizmu Iha Apuramentu
SAPNewsTL, Dili : Hafoin hetan tiha anúnsiu oficial husi rezultadu iha eleisaun jeral parlamentar 2023, Sekretáriu Geral do Partidu Congressu Nasional Reconstrução de Timor-Leste (CNRT) Francisco Kalbuadi Lay liu husi Komunikadu de Imprensa iha Bairo dos Grislhos hato’o felisitasaun no agradese ba entidade no povu Timor Leste ne’ebe kontribui ba eleisaun ho susesu no diak
“Parabéns ba Serviços Sekretaria Técnicos de Administração Eleitoral (STAE) no Comissão Nasional de Eleições (CNE), líderes komunitárius, observadores internacionais no nacionais, autoridades das Forças de Defesa no Segurança iha Timor-Leste, F-FDTL no Polisia Nasional Timor-Leste (PNTL), Confissões Religiosas, líderes Igreja Católica iha Timor-Leste, no especial liu ba Povu Timor-Leste, ba sucessu iha eleisaun geral parlamentar ne’ebé hala’o iha loron 21 de maio de 2023”.Tenik Sekretariu Jeral Partidu CNRT Francisco Kalbuadi Lay iha Bairo dos Grilhos,Dili, 30/05/2023
Kalbuadi hatutan, CNRT konsidera STAE falta transparensia no profisionalizmu iha prosesu kontajem de votu tanba iha sentru votasaun balun sidadaun la vota razaun buletin hotu
“Iha sentru de votasaun balun, laiha boletin de votus, nune’e obriga atu sidadaun barak maka la ezerse sira nia direitu ba votu,Nune’e mos iha sentros de votasaun balun, iha território nasional Brigadas sira obriga sidadaun sira fila ba uma tanba oras liu ona, katak liu 3h lorokraik”
“Iha sentru de votasaun balun mos, brigadas sira la fó actas apuramentu inisial ba fiscais partidos polítikus sira,falha iha sistema ba kontajem de votos iha apuramentu municipal, ne’ebe hatudu falta de transparência, profissionalismo no boa-fé husi Sekretaria Teknika Administrasaun Eleitoral (STAE). Hafoin verifika tiha aktas de apuramentu munisipal no nasional husi STAE no CNE, hetan diferensa entre modelu aktas husi fiskais partidos políticos ho aktas husi CNE no STAE”.dehan Kalbuadi
Nia akresenta, STAE la entrega dokumentu kompletu ba CNE bele halo validasaun ba kontajens sira ne’e, nune’e Patidu CNRT rekomenda ba STAE atu Garante transparênsia no ho lolós ba apuramentu rezultadus, tenki hato’o ba CNE aktas eleitorais hotu husi apuramento nacional, municipal no sentru de votasaun.
“Fó actas de apuramentu ba fiscais partidos políticos sira nian no informação fundamental no kompleta ba Comissão Nacional de Eleições, hodi garante transparência no profissionalismo, centros de votação, no apuramentu municipal no nasional, Ba CNE atu assegura supervisão no kontrolu ida diak, hodi garante eficiência no efikásia iha prosesu eleitorais hotu”. Nia husu
la hare ba Partidu A ka B Partidu Congressu Nasional Reconstrução de Timor-Leste (CNRT )ka partidos polítiku seluk haré ba ema nia jéneru no faktores sociais, no atu rekonhece direito sidadaun ida-idak iha participasaun polítika hodi kontribui ba konsolidasaun princípios Estado de Direito Democrático, liu husi participasaun iha eleisaun jeral, votu sidadaun ida nian, nudar direito exkluzivu no tenke proteje iha aktu eleitoral. Nune’e Timor-Leste bele hatudu ba mundo no iha nasional katak, processu eleitoral ne’ebe foin lalais hala’o iha Timor-Leste, liu husi prosesu ida justu, honestu no Kualidade
Enkuantu, Tuir rezultadu final provizoriu ne’ebe CNE ofisializa no entrega ba tribunal hodi halo validasaun hatudu katak Partidu CNRT hetan kadeira 31, FRETILIN hetan kadeira 19, PD hetan kadeira 6, KHUNTO hetan kadeira 5 no PLP hetan kadeira 4, partidu 12 seluk la konsege liu barreira 4% ho total votus 28.000
Fo hanoin fali mos katak hafoin Partidu CNRT halo komunikadu imprensa iha parte dader, orseik loraik Partidu Demokratiku no CNRT halo ona komunikasaun hodi prepara no posibilidade sei forma nonu guvernu, wainhira tribunal rekursu halo ona validasaun ba rezultadu final eleisaun parlamentar
Jornalista : Ermelinda Soares