Konstrusaun Uma Espiritual Kongregasaun Salezianu Railaco Atinje 70%

SAPNewsTL, Ermera : Assosiasaun Salezianu Cooperador(ASC) hamutuk ho antigos alunos no Associação dos Devetos de Maria Auxiliadora (ADMA) hala’o Misa Agradesimentu hodi festeza solenidade loron moris São Dom Bosco, Hafoin misa ekipa refere vizita mos ba kontrusaun uma espiritual ba Kongregasaun Salezianu Timor-Leste iha Railaco

Tuir Padre Rui do Carmo da Silva hateten objetivu husi selebrasaun misa ohin ne’e hodi selebra solene nasimentu São João Dom Bosco Batista no vijita ba uma kongragasaun salezianu

“Objetivu ohin nian, uluk nanain antigus alunus selebra sira nia loron hari’i. Aumesmu tempu ita mos selebra solenidade nasimentu São João Dom Bosco Batista nian, nu’udar kongregasaun ita mos selebra festa nain feto nian”.Dehan Padre Rui do Carmo da Silva ba Jornalista SAPnewsTL hafoin Misa de agradesimentu, iha Igreja Paroquia Railaku,Sabadu(24/06/2026)

Nia hatutan, ASC no membru hotu-hotu ho inisiativa hodi hari’i uma retiru ka bolu uma sentru formadaun espiritual

“Nu’udar familia salezianu, ita organiza aktividade oan ida atu halibur antigus alunus, cooperadores, ADMA, Amu sira ba projetu ida ne’ebe hari’i uma retiru ida ne’ebe mak bolu ho sentru formasaun espiritual, no sentru juventude ne’ebe mak harii ona” Tenik nia

Nia akresenta, Objetivu segundu ba halibur malu ne’e oinsa parte hotu-hotu bele haree direitamente ba progressu konstrusaun sentru formasaun espiritual no tau hanoin hamutuk ba kontrusaun ba oin nian

“Ohin halibur hamutuk iha ne’e mos iha objetivu ida atu hare direita ba fatin refere, no oinsa mak grupu familia bo’ot salezianu hanoin atu tau hamutuk rekursu hodi ajuda malu atu finaliza obra ida ne’e.Obra ne’e hanoin no harii hodi sai sentru juventude no sai mos uma espiritual ba kongregasaun ba salezianu iha Timor-Leste”nia sublinha

Area Sentru Formasaun ne’e ho nia Rai Luan maiz ou Menuz 1.6 hektares, Konstrusaun ne’e Hahú ho Orsamentu hamutuk 270.000 ne’ebé apoia husi Doador sira iha Korea, Portantu Konstrusaun ne’e utiliza Ona Osan 1.2 Milliaun no sei presiza tan 300 ital Mill hodi finaliza Konstrusaun ne’e tanba agora daudaun Atinje Ona 70%

Entertantu, antigus alunus nia existentia ba 153 anos, Enquantu konstrusaun sentru formasaun espiritual ne’e hetan apoiu husi, misaun Dom Bosco iha Korea,Roma,Dom Bosco Iha Milano,Governu,no husi amu salezianu sira iha Timor-Leste.

Jornalista: Ermelinda Soares