Moris Katak Mistériu, Mate Ne’e Grasa

SAPNewsTL, Dili : Hafoin akompanha Situasaun ne’ebé mosu durante fulan ne’e nia laran, iha Ne’ebe Distinu Mate ne’ebé monu ba Pessoa Importante Sira to’o Sidadaun baibain hodi halo Ema barak trizte, Tanis no hakfodak tanba lakon nia ema ne’ebe Sira tau esperansa bá.

Estudante Akadémiku Luizinho Herculano Perreira haktuir, Nia Sente laran taridu no hakfodak tanba lakon ema sabedoria lubun ida iha fulan ida junhu ne’e

‘’Laran taridu fuan hakfodak,basa iha fulan ida ne’e nia laran, lakon ema barak ne’ebe iha kbit sabedoria nato’on, atu bele moris hodi kontribui ba rai ida ne’e liu hosi esperensia ne’ebe sira iha, maibe moris ne’e la nahas no la dura basa nai mamorak hadomi liu duke ita ema nia domin”. Tenik Luizinho Herculano Perreira Liu husi nia Artigu Reflektivu ba SAP News Iha Dili, 22/06/2023

“Dala ruma ita buka meius oi-oin atu nune’e bele salva ita nia moris ida ne’e, maibe ita nia planu hirak ne’e nain maromak mak determina, Mai hosi rai sei fila ba rai, moris ne’e hanesan mistériu ida ne’ebe ita la iha kbit atu resposta ba moris ne’e rasik, basa moris ne’e mai ho duvida no hela ho duvida”.

“Mate ne’e hanesan grasa ida ne’ebe ita la hetan tan ona terus, susar, no desafiu sira hotu basa moris ida rohan laek mak moris ida ne’ebe ho hakmatek iha ksolok no dame nia laran, tan ne’e hanesan joven aproveita tempu iha tempu foinsa’e, basa iha tempu foin sa’e hanesan tempu oportuno atu koko buat furak no aprende buat foun prosesa-an liu hosi maneira oi-oin”.

“Atu nune’e mate karik husik hela obra atu justika katak isin ne’e esiste , basa distinu la hakerek iha livru,maibe livru distinu nian mai hosi ida ne’ebe ita la hare maibe ita fiar”.

“Presente hosi moris ba moris ida seluk mak hahalok,presente hosi moris ba moris ida seluk mak obra basa ema bele haluha ita, maibe ema sei lahaluha kontribuisaun o nian,hosik hela o nia liman nia fatin iha kadernu mutin nia leten,husik hela letra mak sai sasin ba o nia obra,basa o bele lakon isin maibe o nia fini sira be kuda hela ho lapizera iha kadernu mutin nia leten sei buras ba hirak ne’ebe gosta atu hatene”.

“Save ba moris mak halo buat ne’ebe o bele,fo buat ne’ebe mak o iha basa buat hotu ne’ebe mak o halo iha mundu,sei hakerek mos iha moris rohan laek nian”. Nia Hakotu

Hakerek Nain : Luzinho Herculanu Pereira