Ella Konsidera PNTL Halo Abuzu Poder & Mídia Balun La Imparsial

SAPNewTL,DILI- Relasiona ho Ella Variana ne’ebe halo Komentariu Hodi Hasai Liafuan Kroat Ba Líder Nasionàl Kayrala Xanana Gusmão, Nune’e Polísia Nasional Timor Leste (PNTL) Hala’o Kedas Atuasaun ba sidadaun refere iha loron 12 Fulan Jullu Iha nia Rezidensia Manleuana Dili

Ohin, Sidadaun Ella Variana liu husi komunikadu imprensa haktuir nia lamentasaun Tebes ba atuasaun ne’e tanba konsidera reasaun ba nia komentariu Refere hodi Hametin Injustiça iha Timor Leste

“Kontra abuzu Membru PNTL no imparsialidade Média hahu husi ha’u nia komentáriu ne’ebe ejiji justisa ba ema hotu iha media sosial facebook, komentariu ne’e hetan reasaun husi PNTL no media ne’ebe la imparsial hodi hato’o Informasaun lalos hodi kontribui no hametin injustica social iha Timor-Leste.” Dehan Ela Variana ba jornalista sira iha Sede Movimentu Resistensia Social, Segunda (17/97/23)

Sidadaun Ela Variana sublinha, “Ha’u nu’udar sidadaun kestiona maka’as ba knaar PNTL ne’ebe kria sai nu’udar liman kroat hodi asegura ninia povu maibe ohin loron sai fali liman kroat hodi asegura elite sira nia interese”,

“Iha tempu hanesan Média nu’udar ibun hato’o informasaun ne’ebe lolos ba povu,maibe ohin loron sai fali ibun ba ema elite sira hodi manipula informasaun ba públiku, tanba kronolojia lolos chamada PNTL ne’e lalos hanesan media fo sai ba públiku”.

Sidadaun Ella Variana Klarifika, “Iha loron 12 fulan julhu 2023 mais ou menuz tuku 9, Parte PNTL to’o ha’u fatin Manleuana hodi bolu sein karta ruma no seidauk hetan keixa ruma husi vitima, iha momentu ne’eba ha’u kopera di’ak tebes ho sira no husu sira nia klarifikasaun oituan kona-ba komentariu ne’ebe sai nu’udar sira nia chamada, iha membru PNTL nain ida mak hatudu liman mai ha’u no ameasa ha’u”. Dehan Nia

“Hahalok ne’e halakon ha’u nia direitu no liberdade espresaun tuir artigo 40 numeru dois(2) iha konstituisaun iha RDTL, ha’u senti injustu tebes ho diskuti malu ho nia maibe la to’o minutu Ruanulu no minutu ruanulu resin lima hanesan Média Tatoli,Hatutan, STLNews fo sai ba públiku, momentu ne’eba biar legalista sira la fo hatene katak ha’u sala saida, Sein halo komfirmasaun Direita ba Ha’u hodi fo sai Informasaun ne’ebé lalos ba públiku”.

Sidadaun ne’e lamenta tebes abuzu poder husi PNTL ne’ebe halo chamada sein keixa husi vitima, tan ne’e husu Ministériu Públiku hodi kondena Komandante Jeral PNTL ne’ebe abuzu poder no Konsellu Imprensa hodi kontrola Média hodi hato’o Informa lolos ba públiku

Iha Fatin hanesan, Defensor Públiku Sergiu Dias Quintas husu PNTL hodi Rekunhese sala no hato’o Deskulpa publikamente liga ba kazu kaer Sidadaun Ella Variana

“Nu’udar sidadaun ida iha direitu ba onra no naran di’ak ne’e iha artigo 36 iha konstituisaun RDTL, alin ne’e hasai liafuan ameasa ne’ebe mak espalha iha media social facebook hodi polisia halo atuasaun, ha’u nia hanoin atuasaun polisia nian ne’e lalos polisia tenki kuidadu ninia atuasaun,selae bele halo kontra fali direitus humanus”. Nia hatete

Jornalista : Esmeralda da Silva