Deklarasaun PM Xanana Ba ASEAN, MNEK Konsidera Ne’e Promove Direitu & Demokrátiku
SAPNwesTL, Dili: Relasiona ho Deklarasaun Primeiru Ministru Kay Rala Xanana Gusmão ne’ebe haktuir, Timor Leste sei la tama ba ASEAN, Se ASEAN la Rezolve kazu Militar iha Myanmar, Ministru Negosiu Estranjeiru no Kooperasaun (MNEK) Bendito Freitas konsidera ne’e refleta ba konstituisaun ne’ebe bele promove direitu no demokrátiku hodi servisu hamutuk adere ba ASEAN
“Refleta ba ita nia konstituisaun hodi promove ita nia Direitu, Demokrátiku, Defeza no Direitos Humanus, servisu hamutuk hodi ita nia nasaun adere ba Asean” Dehan Ministru Negosiu Estranjeiru no Kooperasaun Bendito Freitas ba jornalista sira iha Palasiu do Governu 09/08/2023.
Ministru Bendito konsidera, Primeiru Ministru hanesan Pessoa Emenente ne’ebe fo apoia balun ba sira, Deklarasaun ne’e reflete natureza iha konsitituisaun ne’ebe atu promove Estadu de Direitu Demokrátiku
“Defeza ba demokrasia no direitu humanu, portantu ita hotu-hotu halo esforsu hamutuk nafatin entre Presidensia, Primeiru Ministru no kompunentes hotu-hotu atu bele iha tempu ne’ebe própriu, Ita nia dezaun ASEAN ne’e atu realiza Duni, ita tenki prepara an didiak,”
Timor Leste tenki prepara nia rekursu humanu, Ekonomia, infraestrutura, oinsa bele organiza Konferensia boboot iha Timor Leste
ASEAN iha opta rekezitu tolu hanesan, Politika no Seguransa ne’ebe garante paz no estabilidade, Ekonomia ne’ebe adopta Merkadu Livre no úniku husi Populasaun hamutuk liu Milliaun 650 husi nasaun Sanulu hanesan Indonésia, Singapura, Malaysia, Thailand, Vietnam, Myanmar, Laos, Brunei, Cambodia no Filipina
Daudaun ne’e, Estadu Membru ASEAN balun hahu fo ona apoia ba Timor Leste nia adezaun maka hanesan Indonesia, Singapura, Cambodia, Malaysia no Tailândia
Maske Nune’e, Maibe Timor Leste mos hahu sai ona observador no partisipa iha reuniaun altu sira iha ASEAN, tanba antes Delegasaun ASEAN halo ona avaliasaun ba dezenvolvimentu Timor Leste hodi haree prosesu preparasaun Timor Leste nia adezaun ba ASEAN
Reportazen:Zenoveva Lopes & Celeste Gonçalves