Sorumutu Ho PM Xanana, Bangladesh Hakarak Kombate Mudansa Klimátika Iha TL
SAPNewsTL, Dili : Ministru Negósiu Estranjeiru Bangladesh, Abdul Momen, ohin hala’o sorumutu ho Primeiru Ministru (PM) Kay Rala Xanana Gusmão hodi ko’alia kona-ba oinsa dezenvolve setor oioin no estabelese forsa trabalho hodi dinamiza Mudansa Klimátika iha Timor-Leste (TL)
Bangladesh no Timor-Leste hanesan nasaun rua ne’ebé mak kontribui emisaun CO2 Mínimu tebes, maibé Nasaun rua ne’e hakarak servisu hamutuk ho Timor-Leste hodi kombate Mudansa Klimátika
“Ami mós sei servisu hamutuk ho Timor-Leste iha área seguransa ai-han, nune’e ami bele ajuda Timor-Leste hodi rezolve problema inseguransa ai-han iha Timor-Leste, tanba ita lakohi feto no labarik hetan sofrementu” Dehan Ministru Negósiu Estranjeiru Bangladesh, Abdul Momen, ba Jornalista sira,hafoin hala’o sorumtu ho Primeiru Ministru (PM) Kay Rala Xanana Gusmau iha Palásiu Governu, Tersa (29/08/2023).
Nia hatutan, vizita ofisiál ida husi Bangladesh mai Timor-Leste, hanesan vizita Nivel altu husi Ministru Negósiu Estranjeiru Bangladesh, sira koñese di’ak istória no luta Timor-Leste nian ba independênsia, no sira kontenti tebes no sente gratidaun hodi hasoru Primeiru Ministru Kay Rala Xanana
“Povu Blangladesh iha Komitmentu hakarak establese konsuladu iha Timor-Leste hodi diskuti isu-isu sira hanesan inseguransa ai-han, hodi reforsa Timor-Leste nia esforsu adere ba Membru ASEAN, nune’e ami hakarak apoiu Timor-Leste nia prosesu adezaun ba ASEAN no Ami konvida Primeiru Ministru Kay Rala Xanana Gusmão, hodi vizita Bangladesh iha futuru no ha’u hakarak hatete”Viva Amizade Banladesh-Timor-Leste”.
Entertantu, Primeiru Ministru (PM) Kay Rala Xanana Gusmão hateten, Ida ne’e hanesan vizita Nivel altu husi Ministru Negósiu Estranjeiru Banladesh. Durante enkontru ho Ministru Negósiu Estranjeiru Bangladesh ne’e loke odamatan atu hatene dezenvolvimentu iha setor oioin iha Bangladesh.
“Bazeia ba saida mak sira halo iha Banladesh sai ezemplu di’ak ba Timor-Leste, atu iha konesimentu kona-ba Banladesh ninia komitmentu no kapasidade hodi halo buat ne’ebé di’ak liu ba populasaun Bangladesh”, Tenik PM Xanana.
“Hau sente impresionante tanba primeira vez ha’u koñese nasaun kiik hanesan Bangladesh, maibé ninia populasaun hamutuk millaun 170 maibé sira susesu hanesan nasaun ida ho dinamika ekonomia, rekursu umanus no área sira seluk”. Nia subliña
Sorumutu ne’e parte rua ko’alia mos kona ba vizita Primeiru Ministru Timor Leste Kayrala Xanana Gusmão ba Nasaun Bangladesh no hametin relasaun bilateral entre rai iha futuru
Jornalista : Marcela Mery da Costa