Liurai Kotamutu : Jovens Tenki Soe Hanoin Aat, Hari’i Paz & Estabilidade
SAPNewsTL, Lautem: Populasaun Luro Komemora Loron Konsulta Popular ba dala XXIV iha Postu Administrativu Luro, liu husi Selebra missa agradesimentu, sunu lilin no kari aifunan iha monumentu herois da patria Postu Administrativu Luro, Munisipiu Lautem
Iha Intervista ho Xefe Suku Cotamuto Leopoldo da Conceição hateten loron 30 de Agosto mak xave hodi deside Timor nia ukun an tanba ne’e tenke fo importansia hodi harii unidade no estabilidade iha nasaun hodi kontribui ba dezenvolvimentu nasaun nian
Tuir Xefe Suku Cotamuto Leopoldo da Conceição iha intrevista hateten loron 30 de Augusto mak xave ba Timor nia ukun an, tanba ne’e nia husu sidadaun hotu atu partisipa no selebra loron importante ida ne’e.
“Loron 30 de Augusto ne’e mak xave ba ita nia ukun an, ida ne’e mak deside mak foin loron boot sira seluk nasaun nian ne’e foin realiza, sidadaun hotu tenke selebra loron importante ida ne’e”. Dehan Xefe Suku Cotamuto iha nia intrevista hafoin sunu lilin no kari aifuan ba herois sira iha monument herois da patria Luro-Lautem
Xefe Suku ne’e mos husu ba sidadaun hotu atu tau konsiderasaun ba loron espesial 30 de Agusto ida ne’e inklui loron 12 Novembro tanba rua ne’e mak deside destinu Timor nian
“Husu ba sidadaun hotu iha Timor laran tomak atu tenke konsidera no tau aas loron boot 30 de Augusto ida ne’e tanba ida ne’e mak hanesan deside destinu ba Timor ninian, ida mak hanesan loron 12 Novembru rua ne’e mak hanesan xave, loron boot sira seluk ne’e mos hotu maibe ida ne’e laiha karik dalaruma loron bo’ot sira seluk ne’e laiha”. Xefe Suku hameno
Aman ba Suku Cotamuto ne’e mos tatoli ba joven sira atu buka hatene historia Timor nian hodi hodi fo konsiderasaun nafatin no dignifika herois sira nia luta nia luta ba libertasaun patria ne’e
“Fo hatene ba joven sira tenke hatene historia, hatene Timor nia historia hodi valoriza no dignifika nafatin herois sira ne’ebe uluk luta ba Timor nia ukun an, joven labele mukit kunesimentu ba historia Timor nian”. Nia teni Xefe Leopoldo haklean, nasaun nia destinu ba oin ne’e iha joven sira nia Liman tanba ne’e joven tenki hamutuk hodi fo liman ba malu
“Joven sira, lolos ne’e futuru iha sira nia liman, tanba ne’e tenke fo liman ba malu, fo hanoin ba malu harii unidade no estabilidade iha nasaun, laos atu baku malu, hanoin aat sira ne’e soe tiha tau ba kotuk fo liman ba malu, joven tenke hamutuk hodi kontribui ba dezenvolvimentu nasaun ne’e nian”. Nia subliña
Iha Komemorasaun loron Konsulta Popular ba dala XXIV ne’e hetan partisipasaun maksimu husi Autoriedade Lokal sira, estudante sira no Komunidade sira iha Postu Administrativu Luro
Jornalista : Luis Pailofo