PM Xanana Orgullu Bele Aprende, Tinan 2025 Tempu Razoavél Tama ASEAN
SAPNewsTL, Dili : Primeiro Ministro (PM) Kay Rala Xanana Gusmão ho Delegasaun fila hikas mai Timor leste iha loron sabadu mais ou menus oras tuku 12:00 Otl, hafoin partisipa iha simeira Associacao das Nasoens dos Sudeste Asiático (ASEAN sigla portugés) ba dala 43 iha Jakarta Indonésia,
Durante enkontru Membru Estadu Associacao das Nasoens dos Sudeste Asiático (ASEAN) hato’o nia apresiasaun bainhira Timor leste (TL), hola parte hodi partisipa iha enkontru organizadu hodi ko’alia ba asuntu Investimentu Asean nian.
“Ita hahu desloka ba Jakarta iha dia 4 to’o dia 7 ba Partisipa iha enkontru organizadu husi ASEAN nian ne’ebé reorganizadu tebes, partisipa husi membru nasaun barak ne’ebé hola parte iha Asean inklui Timor leste nia partisipasaun” Dehan Primeiru Ministru Kay Rala Xanana Gusmão ba Jornalista sira iha salaun VIP, Aeroportu Nicolau Lobato Comoro, Sabadu (09/09/2023).
Governante ne’e afirma, hafoin hahu enkontru iha loron 4 fulan ne’e iha loraik, nia parte ba hasoru malu ho Presidente Republika Indonésia Jokowi Dodo hodi diskute, kona bá simbolu delegadus hotu hotu ne’ebe konvida ba ne’eba, ho vice Asuntus Asean Milena Rangel ko’alia makas iha dia 5 hodi troka hanoin liga ba problema komun ne’ebé nasaun enfrenta inklui Timor leste, tenik PM Xanana.
“Ha’u mos aprende oinsa mak membrus Asean buka hanoin hanesan komprimisiu mos hanesan, Vizaun hanesan no sira nia kbiit ne’e ko’alia husi Ekonomia to’o iha Areas oioin, kona-ba Estabilidade, Climate Change, problema hahan ne’ebe agora dadaun komesa afeta mundu”.
“Ko’alia mos kona-ba Realasoens iha Rejiaun nia laran no iha mundu, se ha’u bele dehan ha’u admira maka rai sira ne’ebe babain ita bolu Duadores iha ne’eba sira bolu parseirus, iha ne’eba tur ko’alia no hotu hotu iha liberdade atu temi problema ne’ebe mosu hela iha Rejiaun afeita relasoens entre Duadores sira Parseirus sira ou afeita mos relasoens ho rai ruma husi Asean”.
Primeiru Ministru hatutan, dalaruma Asembleia Jeral iha diskursu mak barak, mas iha Asean nian wainhira rai sira ne’ebe iha problema, iha ne’eba tur ko’alia ba malu, ko’alia ho respeitu, ko’alia la taka no la subar, ida ne’e mak aprende husi ASEAN
“Timor hotu hatene katak ha’u mos tau matan hela ba dia 7 mais, ha’u bele halo komparasaun bo’ot ida husi relasoens iha Afrika ne’eba entre Paises entre organizasoen iha Afrika nian, organizasaun Afrika Norte Afrika Sentral Afrika Osidental Afrika Sul, hare Asean banihira hakkbiit an hadia tan bele sai exemplu bo’ot ida ba Fatin seluk iha mundu.”
Governante Timor Leste ne’e sente orgullu bele partisipa iha forum internasional ne’e no bele aprende buat barak husi simeira ne’e
“Ha’u kontenti tanba ha’u bele aprende iha saida mak ita bele kontribui ba Asean, saida mak Asean bele kontribui mai ita, no fiar katak ho Lideransa Milena Rangel mos envolve an ba Asean”.
“Antes de tama ba IX Governu, bele la’o lais atu sai membru Asean nian, rai seluk husi ONU, husi Amerika, husi Japaun no nasaun seluk ba ne’eba tuir enkontru seluk sira temi 5 pontus de konsensu entre membrus Asean
Xanana Gusmão hatutan “Ita partisipa iha ne’eba nu’udar observador la’os hanesan baibain, ita fiar katak Vise Ministra Asuntu Asean Milena Rangel sei servisu makas, antes 2025 ou 2025 ita bele prepara an diak liu ona atu sai membru Asean”. PM subliña
Iha fatin hanesan, Vise Ministra Assuntu Asean, Milena Maria da Costa Rangel reforsa katak, “Servisu hala’o nafatin hela ita hotu akompaña investimentu ba Rekursu humanu, ita mos tenta implementa hela Roteriu ne’ebe Asean fo ba ita i Roteriu ne’e mak sai hanesan indikador bainhira ita sente prontu ona informa ba asean
“Maibe traballu ne’e sei hala’o hela ita ita bele dehan katak 2025 tempu ida ne’ebe Razoavel tebes para preparasaun husi agora ba to’o 2025, ita mais ou menus ita prontu para atu bele adere ona ba organizasaun ida ne’e. roteriu iha segundu pontu ne’e ko’alia kona-ba preparasaun inklui akordu ekonomiku sira”.
Jornalista : Anina Martins Gama