UAE Hakarak Koopera Ho Timor-Leste Iha Area Mina & Gás
SAPNewsTL, DILI- Embaixador United Arab Emirated (UAE), Abdullah Salem hala’o enkontru ho Primeiru Ministru(PM), Kay Rala Xanana Gusmão hodi koalia kona-ba halo kooperasaun iha área mina no Gás, no konvida PM hodi bá participa enkontru mudansa klimatika nian ho naran COP28 iha UAE
Tuir embaixador United Arab Emirated, Abdullah Salem katak Vijita ohin nia objetivu Primeiru mak atu hato’o komprimentus husi Presidente UAE nian no Vise Presidente
“Iha tempu ida ne’e mos hato’o konvite ba Primeiru Ministru hodi partisipa iha serimonia COP28 ne’e kona-ba enkontru bo’ot mudansa klimatika nian ne’ebe mak UAE sei hahu husi dia 30 de Novembru ate 12 de dezembru tinan ida ne’e nia laran”. Dehan Embaixador United Arab Emirated Abdullah Salem bá jornalista sira iha palácio governo, Terca-feira(03/10/2022)
Iha enkontru ne’e mos sira koalia kona-ba vijitasaun presidente da republika José Ramos Horta, ne’ebe mak atu bá halo iha UAE iha 13 de outubro tinan ida ne’e, no kooperasaun entre rai rua(2) ne’e
“Koalia mos oinsa mak hare kooperasaun bá prioridade saída mak Timor-Leste ho Estados UAE bele explora atu bele hametin relasaun bilateral. Kooperasaun entre rai rua ne’e iha kontekstu ida ne’e atu hare posibilidade asina akordu rua atu loke sai Baze ida hodi explora liu tan kooperasaun entre rai rua ne’e iha área mina no Gás,segurança ai-han,edukasaun, agrikultura, infraestrutura”Nia salienta
Enkuantu kona-ba konvite ne’ebe mak UAE fo bá PM seidauk iha resposta klaru tanba iha servisu barak, iha peirodu ne’e maibe Primeiru Ministru hato’o obrigadu tanba hetan kovite ne’e no mos hato’o komprimentus bá Primeiru Presidente no Primeiru Ministru UAE nian.
Jornalista: Marcela Mery da Costa