Abriana Hetan Problema Pasaporte, Atleta Taekwondo Nain-5 Prontu Kompete Sea Games 2023

SAPNewsTL, Dili: Atleta nain lima la ho Abrilia da Silva tanba hetan problema pasaporte kapa nakles husi modalidade Taekwondo iha Timor-Leste prontu ona kompete iha Sea Games 2023 iha Cambodia tanba atleta sira halo preparasaun masimu ona durante treinu iha sira nia dojan ida-idak tuir kampionatu nasional tama selesaun nasional treinu nafatin no treinu tan intensivu fulan rua iha kuartel jeral Polisia Militar.

“Ita nia Atleta nain lima Taekwondo sei aranka ba kompete Sea Games iha Cambodia iha loron 1 ka 2 fulan maiu 2023, ami fiar katak ita atleta sira ne’e sei hatudu prestasaun diak tanba kada tinan atleta Taekwondo tuir kompetisaun internasional sempre hetan medalla tan ne’e atleta nain lima ne’e ami fiar sei hetan medalla iha Cambodia lori mai Timor-Leste”, dehan prezidente Gabriel da Costa ba Jornalista Sira Iha Jinajiu Desportu Dili kinta (13/04/2023).

Prezidente hatutan, atleta nain lima ne’e sei kompete iha 46 kg, 49 kg, 54 kg, 58 kg no 62 kg no atleta sira ne’e antes halo preparasaun husi dojan ida-idak mai tama selesaun nasional no tama treinu intensivu iha kuartel jeral Polisia Militar durante fulan toma konta husi SEJD, CDTL hamutuk ho federasaun taekwondo nian.

 Gabriel informa, antes iha atleta Abriana da Silva liu selesaun atu ba kompete 53 kg iha Sea Games 2023 iha Cambodia maibe iha momentu nia liu selesaun CDTL, CONTL no SEJD haruka atleta sira hatama dokumentu maibe atleta ne’e rasik problema ho pasaporte nia kapa nakles tenki renova entaun federasaun taekwondo toma responsabilidade ba ida ne’e hodi halo karta akompañamentu atleta lori ba renova nia pasaporte iha ministériu justisa diresaun notariadu maibe to’o iha notariadu, sira husu fali konvite husi komisaun organizadora ba SEA Games nian.

Nia haforsa tan, nune’e federasaun taekwondo husu nafatin ba CONTL halo konvite atleta lori ba notariadu labele nafatin entaun parte federasaun ho atleta ba hasoru direita diretor notariadu maibe diretór governu iha mudansa ba lei aprovizionametu nian entaun karderneta pasaporte la iha presiza fulan rua ka tolu mak kaderneta iha fali tan ne’e difikulta tebes ba atleta nia partisipasasaun ba Sea Games nune’e atleta Abriana da Silva labele kompete ba Sea Games 2023 iha fulan maiu tinan ne’e maski lori Timor-Leste nia naran partisipa kompetisaun internasional.

Superior federasaun taekwondo ne’e afirma tan, atleta Imbrolia Amorin ne’e antes halo selesaun ba kompete iha 53 kg ne’e nia la liu atleta Abriana da Silva mak liu maibe komisaun organizador Sea Games 2023 husi Cambodia husu federasaun taekwondo iha Timor-Leste atu aumenta tan atleta ida kompete iha 62 kg nune’e sira halo fali selesaun Imbrolia Amorin mak liu no atleta Imbrolia Amorin kompete iha Sea Games 2023 iha Cambodia ne’e apoiu husi CONTL laos governu atraveza husi SEJD.

Entretantu atleta nain lima husi modalidade taekwondo partisipa Sea Games 2023 iha Cambodia maka Cerilio do Rego Cruz Lein kompete iha 58 kg, Jose da C. Silva kompete iha 54 kg, Teresa Semoi do Rego Cruz Lein kompete iha 49 kg, Ana da Costa Silva P. Belo kompete iha 46 kg ho Imbrolia Amorin kompete iha 62 kg no treinador Mateus de Jesus Filgueras Soares.

Reportajen: Augusto dos Santos