Adapta Mudansa Klimátika ! OXFAM Kontinua Sensibliza Públiku

SAPNews TL, Dìli- OXFAM Timor-Leste realiza semináriu Nasional kona ba aumenta eksperiensia komunidade sira nian hodi reziliente hasoru mudansa klimátika liu husi fundo klimátika ne’ebe finansia husi Nova Zelandia no implementa iha Timor-Leste.

Representante OXFAM Adilsonio da C. Júnior haktuir OXFAM servisu hamutuk ho governu, embaixador klimátika no mos organizasaun sosiedade sivil, oinsa bele responde ba mudansa klimátika iha Timor-Leste.

“Workshop ida ohin ne’e bele ajuda organizasaun sosiedade sivil no mos governu atu tur hamutuk fahe informasaun ba malu, asuntu ne’ebe liga ho Fundu Klimátika no liga mos impaktos mudansa Klimátika ba komunidade sira liu-liu sira ne’ebe mais vulnerável”. Tenik Representante OXFAM Adilsonio da C. Júnior iha Suai Room, Timor Plaza, 15/05/2024

Adilsonio hatutan, Fundu Klimática ne’e liu husi projetu ida hanaran adaptasaun, bele fo informasaun ba sosiedade sivil sira, grupu joven ambiental sira,atu servisu ho Governu diak liu tan hodi halo mitigasaun ba mudansa klimátika iha Timor-Leste.

“Parseiru desenvolvimentu no sosiedade sivil sira bainhira servisu lobi iha nível nasional, atu hare mos mobilizasaun de klimátika ida ne’ebe mais desenvolvidu tenke kontribui impaktu mudansa klimática ne’ebe akontese iha nasaun sira liu-liu Timor-Leste sai vulnerável no risku boot liu ne’ebe hetan impaktu klimátika global”.

Iha fatin hanesan, Embaixador Adão Soares Barboza hateten fundu klimátika ne’e mai husi fonte verde, adaptasaun no fundu ambiente global.

“Fundo Klimática iha países hanoin atu tau sira nia kontribuisaun ne’e ho ninia finanseiru, Osamentu daudaun ne’e Fundu Klimátika balun husi verde, adaptasaun, no fundu ambiente global, iha tan fundu foun tinan kotuk liu ba fundu ne’e naran fundu lakon estragus.” Hateten Adão Soares Barboza

Timor-leste iha papel ne’ebe importante tebes, nasaun 45 mak fo konfiansa ba Timor Leste, iha ne’ebe fundu estragus ne’e aprova ona no hein hodi implemente deit iha futuru.

“45 Países ne’ebe mak fo fiar ba ita, fundu estrajus ne’e agora aprova tiha ona, dadaun ne’e Timor-Leste laos halo negosiasaun deit, ema ida mak sai 14 países iha mundu, ami mak desenhu konsolidasaun iha fundu ida ne’e, iha tinan kotuk nee iha Dubai, orgulhu tebes ba Timor-Leste, Fundu lakon estragus ninian menus representa duni hamutuk 45 países, osan nee gratuitu, osan ne’e mai husi país ne’ebe konsegue estraga tiha ona ita nia ambiente ne’e liu husi sira nia osan estragus ne’e”.

Nia akresenta, Fundu Klimátiku ba mudansa ne’e iha Fundu Klimática Verde Timor-Leste hetan 65.3 milhões de dólares husi Fundu ambiente ne’e hamutuk 30 etal milhões de dólares husi Fundu adoptasaun.

“Fundu lakon estragus mak seidauk, Fundu ne’ebe mak ita uja ba equipamentu balun, daudaun ne’e projetu sei la’o hela, agora ko’alia hela ne’e 22,3 milhões de dólares, ida tan 21,7 milhões de dólares ne’e ita ho United”. Nia informa

Programa ida mak atu instala equipamentos meteorologiku, monta iha fatin tolu (3) mak  kapasidade boot ho 28 no equipamentu kiik oan monta iha rai sira ne’e atu detekta, Bainhira udan been makaas, iha ne’ebe rai monu makas.

“Fundu ne’e, ita hetan bele gratuita, fundu global nia ne’e ba liu nasaun sira inklui Timor-Leste, daudaun ne’e ita hetan tan 20 milhões de dólares, equipamentu sira ne’e gratuita hotu kedas, proposta ne’e sei hetan husi ajensia ajuda Governo Timor- Leste 20 milhões ne’e husi Fundu Klimática Global ninian, 20 milhões ne’e gratuita proposta sei desenvolve hela iha tempu badak nia laran”. Adão Soares Barboza informa

Enkuantu, seminátiu ne’e hetan partisipasaun maksimu husi parte governu, sosiedade sivil, embaixador klimátika, no komunidade vulneravel sira.

Jornalista : Dircia Baptista Belo