Akordu Konstrusaun Aeroportu Comoro Selebra Fulan Oin, Familia 256 Sei Muda Hela Fatin

SAPNewsTL,DILI : Hafoin Sorumutu entre Ministru transporte no komunikasaun(MTK), Jose Agustinho da silva ho primeiru ministru(PM), Taur Matan Ruak iha Palasiu Guvernu Kinta-Feira Orseik, Ministru relata progresu ba investimentu ba konstrusaun airoportu internasional Presidente Nicolau Lobatu ne’ebe fulan fevereiru sei asina kontratu, Enkuantu, Familia Uma Kain 256 sei sai afetadu ba konstrusaun refere

“Ohin relata ba Primeiru Ministru kona-ba ita nia progresu ba investimentu ba infrastrutura airoportu internasional Presidente Nicolau Lobato, oras ne’e iha faze resensiamentu oinsa mak ita fo tulun ba familia afetadu husi obra ida ne’e”. Dehan Ministru Transporte Komunikasaun ba jornalista sira hafoin enkontru ho PM, iha Palasiu Governu,Kuita-feira(19/01/2023)

Nia tenik familia afetadu husi projetu konstrusaun airoportu internasional presidente Nicolau Lobatu hamutuk 256 no sira ne’ebe mak hetan ona pagamentu hamutuk 105

“Komunidade ne’ebe mak afetadu hamutuk 256, ita halo ona pagamentu ba uma kain 105 ba faze primeiru, no sei hela 151 ba fase segundu, dadaun ita nia equipa tekniku husi lina ministeriais, servisu makaas hela oinsa mak finaliza prosessu pagamentu nune’e ita nia obra ida ne’e bele la’o ho diak tuir data”.nia haktuir

Entretantu, Governante ne’e haututan pagamentu husi familia afetadu ne’e depende ba sasan no medida uma ne’ebe mak komunidade sira iha
“Atendimentu ba familia afetadu la;o hela, kada familia afetadu hetan hira ne’e depende ba saida mak sira iha, bainhira ita intimija(bahasa Indonesia ganti rugi), ba sasan sira ne’ebe mak iha hanesan uma ne’e nia tipu oinsa, permanente ou temporaria atu identifika ida ne’e ita nia tekniku ministeiru obra mak define, presu ne’e sei la’o tuir tipu uma ne’ebe mak iha”. Nia hatutan

Alende ne’e mos ministru transporte komunikasaun relata ba sua exelensia primeiru ministru kona-ba akordu bilateral, liu-liu kona-ba movimentu transporte aero nian ho nasaun sira seluk

Jornalista : Marcela Mery da Costa