APC Fo Apoiu Ba Vitima Dezastre Munisipiu 6

SAPNewsTL, DILI: Autoridade Protesaun Sivil (APC sigla portuges) fo ona apoiu emerjensia ba vitima Dezastre Natural (DN) ba munisipiu neen husi total uma kain 78 husi munispiu sia nian tanba munisipiu tolu levantamentu dadus seidauk remata.

“Ita nia vitima dezastre natural uma kain 78 husi munisipiu sia ne’e ita fo ona apoiu emerjensia ba munisipiu neen hela munisipiu tolu, Aileu, Bobonar no Lautem mak seidauk hetan apoiu, ita nia ekipa iha terrenu kontinua halo levantamentu verifikasaun dadus atu bele kontinua fo apoiu ba iha vitima hirak ne’e, ita fo apoiu Food Aitem ho non food item”, dehan diretor Gabineti External Komunikasaun APC Anacleto Caetano ba jornalista sira iha salaun APC segunda (13/03/2023).

Diretór ne’e hatutan, sira sei apoiu direita bainhira komunidade sira afetada husi dezastre natural, koalia konaba apoiu rekoperasaun atu oinsa mak komunidade sira bele iha direitu ba hari’i fali sira nia Uma depois sira halo fila fali reverifikasaun para bele kategorija komunidade sira tama iha kategoria naton, kaman no at total, akontesimentu dezastre natural uma kain 78 husi munisipiu 9 iha tipu dezastre mak anin sobu, mota no rai halai sobu uma, ema ida lakon vida, parte Ermera no Viqueque hetan kanek.

Anacleto informa, munisipi Aileu postu Aileu vila suku fatubosa aldeia liqilaucahna iha data 23/02/2023 anin sobu uma ida, iha Suku Liurai aldeia Quirilelo iha data 24/02/2023/ anin sobu uma ida, iha Ainaro postu administrativu Ainaro Vila suku Mau Ulu aldeia dagamesa iha data 27/02/2023 anin sobu Uma lima no iha suku Leo lima aldeia Hukseo iha data 05/03/2023 ahi han uma ida, iha Bobonaro, postu administrativu Cailaco suku Porobua aldeia Nuapum iha data 05/03/2023, inundasaun afeta Uma sanulu, iha suku Dau udu aldeia Saheu iha data 05/03/2023, rai halai afeta uma 19, iha Suk Dau udu aldeia kaiseu iha 04/03/2023, rai halai ne’e afeta uma ida.

 Nia afirma tan, iha postu administrativu Maliana suku Tapo-Memo aldeia Pipgalak iha data 06/03/2023, rai halai afeta uma ida, iha postu administrativu Bobonaro suku Bobonaro aldeia Tuluata iha data 28/02/2023, rai halai afeta uma kain sanulu, iha suku Lourba aldeia Sordoli iha data 03/02/2023, rai halai uma rua, iha Covalima postu administrativu Fatululik suku Taroma aldeia Taroma iha data 02/03/2023, anin boot sobu uma ida, iha suku Fatululik aldeia fatululik 15/02/2023, rai halai afeta uma ida, iha Ermera suku Katrai leten aldeia Merigi joven Vasco Dos santos Maia Mout iha Lagoa, iha Lautem postu administrativu Lautem suku Maina 2 aldeia Lere Ado iha data 26/02/2023 Anin sobu uma ida.

Funsionariu APC aumenta tan, Iha Liquiça postu administrativu Liquica Vila suku hatukesi aldeia Kaedeku iha data 28/02/2023, anin bot sobu uma Ida no rai halai afetada ba Uma haat, iha postu administrativu Maubara suku Lisadila aldeia Glait iha data 28/02/2023, anin boot sobu uma ida, iha RAEOA, postu adminitrativu Pante Makasar suku Lifau aldeia Lifau iha data 02)/03/2023, anin boot sobu uma tolu, iha suku Kosta aldeia mahata iha data (02/02/2023, inundasaun afetauma kain tolu, iha suku Lalisuk aldeia Usatibela iha data 10/03/2023, anin boot sobu uma ida, iha Viqueque, suku Waimori aldeia Meawai iha dia 03/03/2023 Anin boot sobu uma ida, iha Postu Viqueque iha suku bahalarawai, aldeia Kamleleitor iha data 07/03/2023 iha konfrontu social entre joven sunu uma tolu, estraga uma kain lima ualo no Augusto Viana hetan kanek, iha postu Ossu iha suku Ossu rua aldeia Wabubu iha data 01//1/2023, anin boot sobu uma ida no aldeia Uma tamente iha data 01/01/2023, anin sobu uma ida dadus husi munisipiu sia mak ne’e, dadus provizoriu hela karik hetan tan infomasaun ruma sira kontinua relata ba publiku.

Reportajen: Antonio Tilman