APC Kontinua Rejistu Uma Kain 28 Vitima Ba Dezastre Natural

SAPNewsTL, Dili: Autoridade Protesaun Sivil (APC Sigla Portuges) kontinua rejistu uma kain 28 vitima ba dezastre natural iha semana inisiu fulan abril nian ne’ebe sira fo apoiu emerjensia ona ba vitima sira ne’e.

“Ligadu ho dezastre natural hanesan rai halai, inundasaun, anin boot no ahi haan uma, dadus ba ida ne’e APC rejistu vitima ba dezastre natural total uma kain 28 tan ne’e APC iha obrigasaun atu informa nafatin maske kleur ona tenke fo sai ba komunidade sira nune’e bele evita husi fatin risku, dehan diretor gabinete relasaun externa komunikasaun externa Anacleto Caetano Ba jornalista sira Iha Salaun APC Caicoli, Dili tersa (11/04/2023)

Diretor ne’e hatutan, munisipiu Covalima Suku Matai aldeia Lourai iha loron 1 fulan abril akontese anin boot rezulta ai hanehan komunidade nia uma ida, iha Lautem postu administrativu Tutuala suku Tutuala aldeia leti akontesimentu iha loron 26 marsu anin boot estraga komunidade nia uma ida, iha munisipiu Ainaro postu administrativu Ainaro Vila, suku Suru Kraik aldeia leoulu iha loron 3 fulan abril anin boot estraga komunidade nia uma rua no iha munisipiu Dili postu administrativu Dom Aleixo suku Comoro aldeia 4 De setembro iha loron 1 Fulan abril Akontese ahi han komunidade nia uma ida ho postu administrativu Nain feto suku Bidau Lecidere aldeia Lecidere iha loron 9 ulan abril ahi han uma ida.

Anacleto haforsa tan: Iha rejiaun Oe-Cusse postu administrativu Nitibe suku Lelaufe aldeia Mahata iha loron 1 fulan abril akontese anin boot sobu komunidade Nia uma ida ho postu administrativu Pante Makasar iha suku Taiboko aldeia Makala iha 5 de abril akontese ahi han komunidade nia uma ida, iha munisipiu Viqueque postu administrativu Watulari suku Afaloicai aldeia Lena iha loron 1 fulan abril Anin boot estraga komunidade nia uma haat.

Nia informa, vitima sira ne’ebe hetan dezastre dadaun ne’e APC fo ona apoiu ba sira no sira husu nafatin ba komunidade sira atu evita hela iha fatin risku hodi labele hetan dezastre tan tempu tuir mai.

Reportajen: Jornalista SAPNewsTL