Apresenta Rezultadu Peskija, JSMP Regista Violasaun Hasoru Minoridade Aas Iha Dili & Ermera

SAPNewsTL, Dili : Judicial System Monitoring Program (JSMP sigla English) apresenta rezultadu peskija kona-ba Labarik Minoridade  iha Munisipiu Dili no Ermera Proteze labarik sira iha Timor-leste husi violasaun seksual, senior advokasia , Jose Moniz haktuir halo peskiza ba munisipiu rua Ermera no Dili ba labarik ho idade menoria ne’ebe hasoru violasaun seksual

“Ohin loron JSMP fo formasaun, formasaun ne’e serbisu hamutuk ho Counter Part Internasional liu husi Programa advokasia nian,halo peskiza kona-ba harmonizasaun idade konsentimentu iha T-L. Relasiona ho asuntu ne‘e, JSMP konvida parseiru no estudante husi Universitariu hodi partisipa iha atividade formasaun serbisu advokasia nune’e mos fahe rezultadu peskiza ne’ebé JSMP hala’o ona iha Munisipiu Dili no Ermera iha relasaun ho idade konsentimentu”.dehan, Senior Advokasia JSMP Jose Moniz ba jornalista iha Salaun inkontru RHTO Quarta Feira ( 08/ 02/ 2023).

Nia Haktuir, programa monitorizasaun ba Sistema Judisiariu (JSMP) nu‘udar organizasaun sosiedade sivil ida ne‘ebé ho nia, vizaun atu hari’i no promove sosiedade demokratiku ida-ne‘ebé garante justisa no diretu ema hotu nian.

Nia hatutan, resultadu peskuiza ne’ebe mak halo husi JSMP ba Munisipiu rua kona-ba abuzu seksual ho labarik menoridade husi 14 mai kraik husi iha Ermera ho aldeia 4 no Dili Aldeia 8 no sei iha kontinuasaun ba aldeia sira seluk

“Iha ami nia rezultadu peskija ladun akontese violasaun seksual hasoru labarik sira maibe iha rezultadu monotorizasun ba kazu ne’ebe envolve labarik ne’e nia numeru ass iha tinan kotuk, ami hare kazu abuzu seksual violasaun hasoru labarik ne’ebe ami regista hamutuk 24, Kazu ne’ebe mak envolve ba kazu labarik ne’e”nia informa

Iha fatin hanesan, Xefe  Suku Lahane Osidental Romano Pereira apresia tebes ho JSMP nia treinamentu tanba bele kapasita komunidade sira no inan aman sira hodi tau atensaun ba problema refere

“Ami apresia tebes ho JSMP nia treinamentu tanba bele kapasita komunidade sira no inan aman sira hodi tau atensaun ba problema refere, husu ba ita nia oan sira ne’ebe ho idade menoridade tenki tau atensaun ba problema sira hanesan ne’e, tanba agora labarik ho idade 14 mai kraik sempre hasoru problema abuzu seksual no violensia seksual hasoru labarik ho idade menoridade husu ba inan aman sira tenki tau matan ba labarik sira no kuidadu labarik atu labele hetan problema sira hanesan ne’e”tenik nia

Iha fatin hanesan, Ofisial Advokasia AHDMTL Carceres Nunes Arca Tura, sente haksolok teb-tebes tanba bele hola parte organizasaun ne’e hodi hatene no ajuda sira bele intende oinsa bele reduz hahalok abuzu seksual hasoru feto no labarik feto iha Timor Leste

“Sente kontete teb-tebes bele hola parte iha atividade ne’e, programa ne’e bele ajuda ami, iha terenu liu-liu liga ba konsentimentu ba vulneravel, feto no labarik feto sira nian, ita tenki kontra violensia sira hasoru feto no labarik feto, Peskiza JSMP  ajuda tebes ami hodi hasa’e ami nia kunhesimentu, hodi halo advokasia no sosializasaun iha komunidade oinsa sira bele entende no reduz violasaun sira hasoru feto no labarik feto iha sosiedade” Nia hakotu

iha sorin seluk, Sekretaria Estadu Igualdade no Inkluzaun (SEII) mos regista husi organizasaun non governamenta sira katak, kazu insestu hahu husi 201o to’o ohin loron hamutuk 159, hanesan oan halo ba inan, aban halo ba oan feto, avo halo ba beioan feto, naan halo ba feton, subrina halo ba subrina.

Enkuantu, Sekretaria Estadu Igualdade no Inkluzaun (SEII)Maria do rosario Fatima Correia konsidera ema ne’eba kuda sentimentu ba familia ne’e krime, ema hotu tenki hakribi no lolos ida ne’e labele mosu iha sosiedade nia leet

Jornalista : Antonio Tilman