Assosiasaun Akadémika UNTL Husu ParPol Apresenta Programa, Labele Halo Promesa Falsa Ba Povu

SAPNewsTL, Dili : Relasiona ho Eleisaun Parlamentar 2023 ne’ebe nia kampanha sei hahu iha loron 19 Fulan Abril ne’e,  Assosiasaun Akademika Estudantil Universiade Timor Lorosa’e (UNTL) segunda-feira orseik, hala’o konferensia Imprensa husu ba partidu politiku (ParPol) sira hodi apresenta programa politiku sira liga ba edukasaun, saude, agrikultura, estrada, eletrisidade no problema sosial sira ne’ebe povu hasoru

Tuir Senadu Jeral UNTL Cristovão Araujo hateten Kampanha ne’ebe sei akontese iha loron 19 abril tenik foka ba programa politika  no labele repete tan aktu sira ne’ebe mak akontese iha eleisaun anterior

“Husu mos ba Partidu Politiku Sira atu apresenta programa politiku no sira nia politika sira ne’ebe mak responde interese povu no  atu resolve problema sira ne’ebe mak povu  Infrenta hanesan edukasaun,saude,estrada,eleletrisidade no problema Sira seluk ne’ebe Mak afeta ba ekonomia povu sira nian, husu mos ba partidu politiku sira iha momentu kampanha Laos atu insulta malu, trata malu no konta istoria iha Kampanha”. Tenik Senadu Jeral UNTL Cristovao Araujo iha salaun Gabinete Assosiasaun Estudantil Fakuldade Direitu Segunda 17/04

Senadu ne’e ezije Lider maximu partidu politiku Sira iha kampanha tenke uza linguagem edukativu, tenke uza linguajem ne’ebe Mak respeita ema Nia personalidade no labele uza linguagem ne’ebe Mak halo diskriminasaun ba Ema Nia rasa, sexu no rejiaun tanba iha demokrasia sidadaun hotu hotu Livre atu expresa maibe tenke respeita ba ema nia privasidade, liderdade, direitu atu hili no ema hili

Aleinde ne’e,  “Ami mos husu partidu politiku Sira iha kampanha labele halo promesa falsu ba Ita Nia povu atu povu labele hela ho esperansa falsa depois nia fo Nia votu ba promesa falsa hodi halo ikus Mai sai vitima ba Nia votu rasik, Partidu politiku Sira ko’alia buat ne’ebe Mak sira tenke halo bainhira Sira hetan konfiansa hodi ba ukun,no labele ko’alia buat ne’e ba povu sira maibe Sira rasik labele halo bainhira Sira ba ukun”.nia sublinha

Lider Estudante UNTL ne’e mos husu ba partidu politiku sira ne’ebe Mak konsege ultrapassa iha bareira hodi hetan asentu iha parlamentu nasional tenke tau interese nasional iha oin, labele tau interese partidu nian, labele tau interese governu nian no labele tau interese grupu nian ass liu interese nasional hodi ikus mai hamosu impasia politika nian hodi sakrifika povu ne’ebe Mak fo votus

Entertantu, Asosiasaun Akademika Estudantil Universidade Timor Lorosa’e husu ba governu atu bele prepara transporte atu bele tula estudante universitariu Sira fila ba Sira Nia munisipiu hodi bele partisipa iha Eleisaun iha 21 de maiu 2023

Jornalista : Aquelina Magalhaes