Atleta Espesiál Olímpiku Konkista Medalla 5 Mai Timor-Leste
SAPNewsTL,DILI: Atleta Espesiál Olimpiku Timor-Leste lori medalla 5 mai Timor-Leste hafoin kompete iha jogu World Summer Games iha Sidade Berlin, Alemaña mak kompete husi nasaun 190 realiza iha loron 17 to’o 25 fulan 2023.
“Ita nia atleta espesial olimpiku nain 6 iha jogu World Summer Games iha sidade Berlin, Alemaña ohin fila ona mai ho rezultadu medalla osan mean rua, mutin ida no metan ida, fo orgullu tebes ba ita hotu, tanba ne’e ita fo parabens ba atleta no mos kontijente sira hotu hein katak atleta sira nia prestasaun ne’e bele inspira liu tan foinsa’e sira Timor laran tomak”, dehan SEJD Abrão Saldanha ba jornalista sira iha nia knaar fatin Lecidere, Dili kuarta (28/06/2023).
Iha fatin hanesan, Presidente Espesiál Olímpiku Timor-Leste Maria Domingas Fernandes hatete, iha sidade Berlin, Alemaña ba ho atleta atletizmu deit maibe bele lori medalla mai Timor-Leste tanba hetan apoiu husi estadu.
“Iha sidade Berlin, Alemaña ita ba ho atleta atletizmu deit mos bele lori nafatin medalla mai Timor Leste ne’ebe ami kontente tebes tanba ami partisipa laos ami hetan diskriminasaun maibe ami sempre sente iha apoiu husi estadu Timor-Leste liu hosi SEJD liuliu ba atividade desportiva no liu hosi ministeriu solidaridade sosial no inkluzaun”, tenik Maria
Prezidente hatutan, Timor-Leste tama iha jogu espesial Olimpiku dezde 2011 no SEJD sempre fo apoiu tomak ba atleta espesial olimpiku partisipa iha jogu espesial olimpiku sira hanesan iha sidade Los angeles, Dubai no agora Berlin .
Entretantu atleta espesial olimpiku Timor-Leste iha tinan 2023 partisipa iha jogu World Sumer Games iha Berlin,Alemaña, oferese medalla ba Timor Leste hamutuk medalla 5, kompostu husi osan mean 2, osan mutin 1 no osan metan 2.
Atleta hirak ne’e mai husi modalidade Atletismu deit, atleta konkista medalla mak Norberta da Cruz dos Santos, Felizarda da Cruz da Costa no Oscar Alexandrinho, kompetisaun World Sumer Games
Tinan ne’e Timor-Leste partisipa ho atleta nain 6 kompostu husi feto 3 no mane 3, atleta sira ne’e fila mai Timor-Leste iha loron 28 fulan juñu 2023.
Reportajen: Augusto dos Santos