Buka Hatene Identidade, DIT Apresenta Rezultadu Peskija Monumentu Antigu Sira

SAPNewsTL, DILI- Estudante Dili Institute Of Tecnology (DIT), nia Fakuldade Turizmu aprezenta sira nia peskiza kona-ba”Monumentu Antigu Iha Timor-Leste”, Liu husi intervista Vise Reitora Akadémika Aderita dos Santos konsidera atividade ne’e tulun tebes estudante ba sira nia espíritu Patriotizmu no Nasionalizmu hanesan Timor oan

“Atividade ida ne’e Tulun tebes estudante Sira, ami fo parabens dala ida tan tanba sira bele loke sira nia hanoin atu bele halo peskiza ne’e,ita susar ona hetan jerasaun foun atu fo sira nia tempu, fo sira nia matenek hodi buka hatene ita nia kultura no identidade, tanba ita hatene katak nasionalizmu mai husi ita nia laran mosu wainhira ita hatene mai husi ne’ebe.”

“Ita nia Fakuldade Turizmu tulun teb-tebes atu realiza konesimentu ida ne’e bele habelar ba ita nia nasaun Timor-Leste, ita nia preparasaun ba adere ASEAN, ne’e mak ita nia objetivu suporta teb-tebes ba ita nia estudante sira nia atividade, rezultadu ne’ebe durante ne’e sira fo sai iha 2018 ne’e rezultado ne’ebe diak teb-tebes, ita bele rekolha dadus ba ita nia kultura hare husi hahan eventu uma adat ita nia kultura halo hotu-hotu iha munisipiu,”Tenik Vise Reitora Akadémika Aderita dos Santos ba jornalista sira iha nia knar fatin DIT, Quarta (28/06/23)

Iha Sorin Seluk, Dosente Fakuldade Turismo Jastho Pereira hatutan katak Objetivu husi relatóriu ba peskiza monumentu iha Timor-Leste hanesan atividade ida ne’ebe mak estudante sira bele implementa fila fali ba rezultado peskiza bazeia ba programa sira ne’ebe semestre ida ne’e materia ida naran East Timor Heritage

“Programa refere ba semestre ne’e fulan haat, durante fulan ida sira hetan teoria no fulan tolu ne’e idak-idak tun ba sira nia munisipiu, Durante fulan tolu ne’e sira kobre informasoens iha ida-idak nia munisipiu oinsa sira difini didiak monumentu Antigu ne’ebe mak okupasaun Japaun no Indonesia to’o iha ita nia independensia,peskiza ida hanesan teoria ida ne’ebe sira hetan iha aula laran”. Nia Informa

Manorin ne’e garante, ho Peskija ne’e bele hafanun Ema hotu no bele halo Planu ne’ebe Diak Liu hodi konserva eransa sira ne’ebe Beiala Sira husik hela

“Estudante sira ne’ebe hetan informasaun no sira halibur sai hanesan bukae ida ba aban bainhru, akademiku sira bele hamutuk ho sira nia sociedade sira, hodi halo planu ne’ebe diak hodi bele kuidadu fila fali eransa ida ne’ebe husik hela ba ita sai fila fali eransa Dezenvolvimentu no Movimentu Antigu sira sai hanesan atrai ba ema hotu atu mai vizita ita nia nia nasaun” dehan nia

Nune’e mos, Estudante Fakuldade Turismu Esti Puranti de Araujo haktuir Peskija refere lori lisaun barak ba Sira hodi aprende, Nia hein katak ba oin sei hadia Diak Liu Tan

“Liu husi ami nia peskiza ida ne’e, ami bele aprende no iha situasaun ne’ebe hari’i no monumentu ne’ebe iha ona,maibe seidauk iha Dezenvolvimentu, iha ami peskiza ami hare katak futuru ami sei hadia di’ak liu tan”nia hakotu

Entretantu, Partisipa iha Eventu ne’e Mak husi Guvernu, NGO internasional no Nasionàl sira hanesan Sekretariu Estadu Arte no Kultura, JICA, Alola Fundation no universitáriu sira liu-liu ba estudante turismo iha UNTL, IOB, UNITAL, no mos eskola vokasional turismolu Sekundáriu sira no inan aman ba estudante peskizador

Jornalista : Antonio Tilman & Esmeralda da Silva