CONISTIL Husu Guvernu Foun Konsidera Sertidaun Kazamentu Musulmanu Nian
SAPNewsTL, DILI-Iha Ámbitu Komunidade Musulmanu Selebra loron EID Al-ADHA ba 1444H, iha Intervista Presidente Conselho Nasional Islamico De Timor-Leste (signifika Português CONISTIL),Pascoal SiddiQ Lemorai husu Governu Konsidera no Rekunhese Sertidaun Kazamentu husi Komunidade Musulmanu
Líder Komunidade Musulmanu Timor Leste nia esperansa no ejijensia ba governante foun hodi autoriza komunidade musulmanu Timor oan halo sertidaun kazamentu
“Kada tinan lima(5) ami hato’o ami nia pedidu ida, mak sertidaun kazamentu, ne’e ami husu fila-fila, qualquer governante , atu oinsa konsidera hanesan komunidade musulmanu mos hetan sertidaun kazamentu, tanba ami laos barlaqueadu, ami kazamentu tuir religiaun”.
“Espera katak tinan ida ne’e governante foun, ami sei hato’o fila-fali pedidu ne’e para konsidera hanesan sidadaun Timor oan ida”. Tenik Presidente CONISTIL,Pascoal SiddiQ Lemorai, ba Jornalista sira iha Masjit Anur,kuarta(29/06/2026)
Entretantu, Daudaun ne’e Komunidade Musulmanu Timor Leste ne’ebe por volta de 25.000 ital sei uza deit Sertidaun Baptizmu husi Relijiaun Islâmiki, Enkuantu, Sertidaun Kazamentu to’o agora seidauk hetan autorizasaun no legalizadu husi parte Guvernu
Jornalista: Ermelinda Soares