Selebra Loron Idul Adha, Musulmanu Ko’a Na’an Fahe Ba Komunidade
SAPNewsTL, DILI-Komunidade Musulmanu festeza loron EID Al-ADHA ba 1444H, iha selebrasaun ne’e ko’a na’an karau hodi tuir profeta Ismail ne’ebe mak Maromak koko profeta nia pasiensia.
Tuir Presidente Conselho Nasional Islamico De Timor-Leste (signifika Português CONISTIL),Pascoal SiddiQ Lemorai hateten ohin loron sira festeza EID AI-ADHA hodi hanoin fila-fali profeta Ismail ne’ebe mak Maromak fo ordem hodi ezekuta
“Ohin ita hotu hatene katak loron bo’ot ba Musulmanu, hanesan mos sidadaun iha Timor-Leste, Ami selebra EID Al-ADHA, ne’e signifika katak iha momentu profeta Ismail atu ejetuka servisu ne’ebe mak Maromak fo ba nia. koko nia katak nia pasensia, ne’e mak to’o agora komunidade musulmanu iha mundu halo tuir istoria ne’ebe mak iha ona”.Dehan Presidente CONISTIL,Pascoal SiddiQ Lemorai, ba Jornalista sira iha Masjit Anur,kuarta(29/06/2026)
Nia haktuir katak kontektu husi EID Al-ADHA mak koko ema nia pasiensia, no koa na’an karau no bibi hodi fahe ba komunidade musulmanu sira
“EID Al-ADHA ne’e mak koko ema nia pasiensia,oinsa nia bele ezekuta servisu ne’ebe mak Maromak fo ba.exemplu mak ami ko’a karau hodi fahe ba maluk komunidade musulmanu sira.Tinan ida ne’e aktividade ne’ebe mak ami halo koa karau, tanba ita nia situasaun ne’ebe mak foin sai husi Covit-19 ne’ebe ami la halo aktividade barak” Tenik nia
Presidente ne’e informa, katak nia esperansa ba governu hodi nune’e tinan oin bele apoiu ba komunidade musulmanu sira tanba sira mos pertense ba sidadaun Timor oan “Hau nia Espera tinan oin mai governu bele apoiu, tanba nia mos hanesan sidadaun Timor”
Enterntantu total komunidade musulmanu iha Timor-leste hamutuk mais ou menus 25 mil ne’ebe mak festeza loron EID Al-ADHA, no iha munisipiu ne’en(6), mak hanesan viqueque,Baucau,Lospalos, Same,Maliana no Liquisa
Jornalista : Marcela Mery da Costa