Hela Dook Husi Eskola, Alunu Sira La’o Durante Oras 2
SAPNewsTL, Baukau: Foinsa’e Sira ne’ebe Halo Estudu Iha Eskola Primáriu, Ensinu Báziku no Sekundáriu Tekinomata Postu Administrativu Laga Munisipiu Baukau, Hafoin Tuir Aula iha dalan mosu udan hodi habokon Sira nia isin ho Kadernu sira ne’ebe tau iha pasta laran
Foinsa’e hirak ne’e La’o ain loron loron ba eskola no fila husi eskola, sira La’o iha dalan ne’ebe naruk, maske Nune’e, maibe sira nia espíritu luta Kontinua forte no metin iha nia fuan.
Kiik Oan Hirak ne’e, lá lakon sira nia vontade hodi La’o ho amizade, Haksolok, haklalak, no hakonu ho esperansa no oin hamnasa iha Luta ba sira nia futuru
Wainhira, Foinsa’e hirak ne’e La’o iha dalan, iha dalan sira hapara Karreta Sira ne’ebe liu, dala ruma hapara Maibe Sira la para, Dala barak liu Karreta Sira para Sira Sa’e ho Haksolok no Agradese
Ohin iha Area Tekinomata Postu Administrativu Laga, Estudante Sira sai husi eskola tanba Hasoru udan no Anin, halo sira bokon no Malirin, Sira hapara Karreta Bus ida husi Dili ba Luro Lautém
Wainhira, Kondutor hapara Karreta, Alunu sira ho oin hamnasa sira dehan “Obrigadu Barak Maun”. Iha Dalan Jornalista SAPNewsTL dada lia ho Sira, Aluna ida hatan, Nune’e:
“Ami barak tebes mak Hela iha Laivai mak ba eskola, ami balun SD (Sekolah Dasar/Ensinu Primáriu), SMP no SMA (Ensinu Báziku no Sekundáriu), Ha’u SMA Kelas 1 (10⁰ Ano), Ami Kontente nafatin, maske ami Lao dook”. Tenik Aluna Anina Soares iha Karreta ba Jornalista, wainhira dada lia badak ho Nia, Iha Laivai, 28/06/2023
Hafoin To’o Iha Laivai, Sira Hapara Karreta hodi Dehan, “Maun Para Lai, Maun”. Hafoin Kondutor hapara sira dehan Teni “Obrigadu Maun, Haree Dalan”. Kondutor fo apita no Halai
Iha Sorin Seluk, Wainhira Bus ho Marka IRA SU’UL Ne’e Mai To’o Iha Buiomau, Estudante Ensinu Báziku Leusari, Postu Administrativu Lautém, Munisipiu Lautém, sira hapara Karreta hodi Sa’e, To’o Kondutor hapara Karreta no sira Sa’e Karreta
Iha Dalan, Estudante Dezia Da Costa, ne’ebe tur iha klasse 9⁰ Ano, Nia Dehan “Ami ne’ebé mai husi Cerelau hamutuk tolunulu resin, ami maioria Feto, Ami La’o lor Loron Hanesan, ami La’o deit lori oras Rua husi Cerelau ba Eskola EBC Leusari, ami tenki Hahú tuku 6 Dadersan tanba hela dook husi eskola”. Tenik Dezia da Costa ba SAP News TL iha Karreta, ida dalan Buiomau
To’o iha Dalan entre ba Cerelau no Luro, Sira tun hato’o Obrigadu barak ba Kondutor ho Haksolok no foti Liman ba passajeiru sira iha Bus laran
Enkuantu, SAPNewsTL la Konsege husu ho detallu Maibe Foinsa’e hirak ne’e argumenta Hakarak loke eskola besik iha sira nia Suku sira Nune’e bele fasilita Sira hodi eskola iha Fatin ne’ebe besik hodi prepara ba sira nia futuru
Jornalista: Luis Pailofo