Atleta Junior & Senior Na’in 147 Kompete Iha Kampionatu Nasional Xadres 2022
kampionatu nasional xadres 2022, iha Xanana Sport Center Bairro Formosa, Dili kinta (12/01/2023)
SAPNewsTL, Dili: Federasaun Xadres Timor-Leste (FXTL) realiza kampionatu nasional xadres 2022 ne’ebe partisipa husi atleta junior ho senior feto mane nain-147 mai husi munisipiu 12 ho RAEOA ne’ebe sei hala’o durante loron tolu komesa loron 12 fulan janeiru to’o loron 14 fulan janeiru 2023.
“Ohin loron kmanek ba FXTL hodi realiza kampionatu nasional 2022 ne’ebe tuir lolos realiza iha tinan 2022 maibe tanba iha difikuldade transferensia orsamentu husi SEJD mai FXTL entaun ami realiza kampionatu iha fulan janeiru 2023, ami realiza kampionatu ba kategoria haat senior feto mane no junior feto mane ne’ebe partisipa husi atleta nain-147 mai husi munisipiu 12 no RAEOA ne’ebe ami estabelese ona asosiasiaun xadres” dehan prezidente FXTL ba jornalista sira iha Xanana Sport Center Bairro Formosa, Dili kinta (12/01/2023)
Presidente FXTL Zeferino Viegas Tilman
Prezidente hatutan, iha kampionatu xadres rua maka standarte ba atleta hotu iha ronda sia no bliz ba jogador sira iha rating ka poin tiha ona iha ronda hitu, objetivu husi kampionatu ne’e atu prepara atleta ba kompetisaun internasional hanesan Sea Games 2023, Jogu CPLP 2024 no xadrestista ka atleta sira bele hetan rating ka poin husi jogu, orsamentu ne’ebe SEJD aprova ba FXTL hodi realiza kampionatu orsamentu montante 20,000 USD ne’ebe FXTL utuliza ba viaje no premiu ba atleta sira nian husi munisipiu hotu
SEJD Abrao Saldanha
Iha fatin hanesan SEJD Abrão Saldanha hatete, uluk nanain governu hakarak husu deskulpa ba FXTL tanba manda orsamentu tarde maibe hakarak fo parabens ba FXTL ba realiza kampionatu nasional ho objetivu prepara atleta ba jogu internasional no atleta sira hetan rating ka poin.
“Uluk nanain governu hakarak hato’o deskulpa tanba ami manda orsamentu tarde tan ne’e FXTL muda kampionatu nasional 2022 mai fulan janeiru tinan 2023 maibe hau hakarak fo parabens ba FXTL realiza kampionatu nasional ne’ebe objetivu atu atleta sira hetan rating ka poin no prepara atleta ba kompetisaun internasional hanesan Sea Games 2023 iha kambodia posibilidade xadrestista nain rua partisipa no jogu CPLP 2024 hodi Timor-Leste nia naran iha palku rejional no internasional maski jogu xadres ne’e bele asegura ema nia liurai maibe la sai liurai ba jogu xadres rasik”, tenik Abrão
Iha sorin seluk vise dahuluk CDTL Inocêncio Araújo dehan, CDTL hakarak fo parabens ba FXTL realiza kampionatu nasional, agora modalidade xadres dezenvolve lais iha Timor-Leste liu husi federasaun ho nia asosisaun munisipiu sira no jogu xadres lori ema lideransa
“CDTL hakarak fo parabens ba FXTL realiza kampionatu nasional, agora federasaun ho nia asosisaun munisipiu sira hotu dezenolve modalidade xadres lais iha Timor-Leste ne’ebe jogu xadres halo Timoroan sira potesial tebes maski jogu xadres buat hotu iha laran tanba jogu xadres foti desizaun sala mate kedas ne’ebe lori ema ba lideransa”, tenik Inocêncio
Vise Presidente CDTL Inocêncio Araújo
Vise-prezidente dahuluk Modalidade xadres Timor-Leste tuir observasaun asa organizadu ho asosisaun munisipiu sira iha hotu tan ne’e CDTL husu ba atleta sira dedika prestasaun foti Timor-Leste nia naran ba iha mundu internasional liu husi jogu xadres.
Entretantu FXTL estabelese modalidade xadres iha Timor-Leste halo Timoroan nain tolu hetan titulu husi organizasaun mundial xadres naran FIDE maka Helder da Costa hetan titulu FIDE Master, Tito Dos Reis hetan Candidate Master no Sonizia Tilman hetan titulu Women Candidate Master ne’ebe hamorin ona Timor-Leste nia naran iha jogu internasional sira no hein katak tuir mai Timoroan barak liu tan mak hetan titulu husi organizasaun mundial xadres.