Atu Selebra Aniversáriu Ba Dahuluk, Média SAPNewsTL Sorumutu Ho SEKOMS No Konsellu Imprensa
Imajens Sekretaria Estadu Komunikasaun Sosial (SEKOMS) Merício Juvinal dos Reis ‘Akara’ hasoru malu ho Estrutura Media SAP News Timor Leste iha Palasiu do Guvernu, Dili, 27/01/2023. Foto : Media Sekoms
SAPNewsTL, Dili : Relasiona ho aniversáriu Média Sa’ani Assamana Prazer News Timor Leste (SAPNewsTL) ne’ebe sei selebra iha loron 26 Fulan Fevereiru 2023, Estrutura Média SAPNewsTL Tersa-Feira orseik hala’o audiénsia ho Presidente Konsellu Imprensa de Timor Leste Interinu, ohin hasoru malu ho Sekretaria Estadu Komunikasaun Sosial (SEKOMS) Merício Juvinal dos Reis ‘Akara’.
Objetivu husi Audiénsia ne’e, hodi introduz ezisténsia Média SAPNewsTL ba Konsellu Imprensa Timor Leste no SEKOMS, inklui konvida parte rua hodi partisipa iha selebrasaun aniversáriu SAPNewsTL ba dahuluk iha Timor Leste
Imajen Presidente Kosellu Imprensa Interinu Francisco Simões Belo ko’alia hela ho Media SAPNewsTL, Iha Salaun Enkontru Konsellu Imprensa, Dili, 25/01/2023
Iha sorumutu Presidente Konsellu Imprensa Interinu Francisco Simões Belo haktuir nia sente orgullu tanba joven sira bele hari’i media ida ne’ebe mai ho boa vontade hodi regista iha Konsellu Imprensa no hakarak kontribui ba desenvolvimentu Orgaun Desenvolvimentu Komunikasaun Sosial iha Timor Leste
“Ha’u Orgullu bele hasoru ita boot sira, imi mesak nura-nurak deit ne’ebe hamutuk iha Media SAP News Timor Leste, Imi moris iha era foun, iha tinan foun, imi hasoru dejafiu foun, imi tenki hamriik metin ho independensia editorial hodi kontribui ba desenvolvimentu komunikasaun sosial”. Tenik Presidente Konsellu Imprensa Interinu Francisco Simões Belo iha enkontru ba SAPNewsTL, iha salaun enkontru KI, Dili, 25/01/2023
Presidente ne’e mos afirma prontu atu partisipa iha serimónia lansamentu Ofisial Média SAPNewsTL ba dala uluk no lansa Filmagem Fraternidade Humana iha fulan oin.
Presidente Konsellu Impresa Interinu Francisco Simões Belo hamutuk ho Jornalista SAPNewsTL
Entretantu, iha audiénsia ho Sekretariu Estadu Komunikasaun Sosial Merício Juvinal dos Reis ‘Akara’ hato’o felisitasaun ba jornalista SAP News sira hotu, nia husu atu kontinua servisu makaas liu tan hodi lori informasaun ne’ebe justu, kredivel no edukativu ba sosiedade Timor Leste
“Ha’u kontente simu ita boot sira, ita boot sira joven mak forsa ba mudansa, dalan ba transformasaun liu husi imi nia inovatividade no kreatividade ne’ebe mai ho hanoin dook no luan ba ita nia rain, ita nia rain iha ona era dizitalizaun, ita tenki diversifika ita an, adapta ita nia an tanba teknolojia mos parte ida atu diversifika ita nia ekonomia rai laran, se ita iha Youtube ne’ebe hetan followers barak, it abele hetan osan iha ne’eba”. Hatete SEKOMS iha Salaun Enkontru SEKOMS, Palasiu Guvernu, 26/01/2023
Governante ne’e fundamenta, tinan ne’e representante google sei vizita Timor Leste, iha ne’ebe Presidente Repúblika Jose Ramos Horta ko’alia ona ho nia hodi mai hasoru mosh o SEKOMS hodi ko’alia uituan kona-ba oinsa bele registu youtube iha Timor Leste
Imajen SEKOMS no Estrutura Media SAPNewsTL iha Palasiu Guvernu Dili, 27/01/2023
Relasiona ho aniversáriu SAPNewsTL, SEKOMS afirma sei ba partisipa nia aniversáriu, halo lansamentu website no filmajem fraternidade humana
Enkuantu, Tuir Planu Média SAPNews sei selebra nia aniversáriu iha loron 26 fulan fevereiru tinan 2023 ba dala uluk, iha ne’ebe sei realiza iha loron 25 fulan fevereiru. Portantu, Daudaun ne’e Média refere hetan ona sertifikasaun lisensiamentu husi SERVE.I.P, inklui prosesa hela dokumentus hodi hetan tan sertifikasaun husi Konsellu Imprensa de Timor Leste
Jornalista : Antonio Tilman