Autoridade Lokal Preokupa Komunidade Falta Konsiénsia Soe Fo’er Arbiru no La Soe Fo’er Lixeiru
SAPNewsTL, Dili, 27 Abril 2022 – Autoridade lokal preukupa komunidade sira falta konsiénsia soe fo’er arbiru no fo impaktu boot ba inundasaun hodi hamosu bee nalihun inklui fo ameansa ba ema nia saúde. Kestaun ne’e hato’o husi Xefi Suku Joaõ Baptista Da Costa Belo ba (Sapnewsstl) iha Bairu-Pite kuarta-Feira (27/04/2022).
Xefi Suku Joaõ Baptista Da Costa ‘hateten komunidade sira soe foer arbiru ne’e laos ema mak haruka no ne’e sira nia hakarak,“ ha’u hanesan Sefi Suku sempre hateten foer sira ne’e tau hamutuk iha fatin ida atu nune’e labele preujudika ba inundasaun’.
Iha loron 22 liu ba, ha’u ho maluk sira ami ba mota Maloa nian ne’e ami tun fila fali haree komunidade sira soe fo’er ne’e ba mota ibun, ami hapara sira atu labele soe hanesan nee maibe sira nafain soe kuandu udan nee fo prezudika ba inundasaun hanesan bee lihun ba imi nia maluk sira,” katak nia.
Komunidade sira la komprende entaun sira soe fo’er nee iha mota ibun kerdizer ke udan mai hodi hotu foer sira nee ba hotu iha kanu, ou ponte, hodi hamosu inundasaun kerdizer sira falta no la iha konsensia, husu Autoridade no superior sira mos atende ida nee keta soe foer arbiru. Dehan nia
Nia rekomenda ba komunidade sira labele soe foer arbiru tamba nee prezudika boot tebes ba ita hotu, hanesan inundasaun sira ne’e ita labele fo sala ba guvernu maibe ita mak oho ita nia an rasik, neebé atu dehan tan labele soe foer arbiro, tanba bele fo impaktu negativu ba ita nia saude liliu labarik sira ne’ebe sei nurak.
Alende ne’e, Maria Lurdes hateten bainhira udan, mota maloa nian nee tun mai foer sira nee kale hotu iha ponte ne’e.“Hau senti tristi tebes tanba bainhira mota tun hodi foer sira nee kale hotu, bee tama ami nia uma halo ami nia kolisaun sira ne’e aat hotu,” dehan nia.
Maria Lurde mos rekomenda ba komunidade sira labele soe foer arbiru, soe foer iha foer fatin, nune’e bele garante ambiente ne’ebe seguru, mos, konfortavel ba ema hotu iha Timor-Leste liliu iha Dili hanesan Kapital Nasaun, nia mos husu ba autoridade lokal atu bele organija komunidade iha loron sabadu bele limpeja hela deit. Tenik Maria ba Media Sapnewstl. Dili, 27 Abril 2022
Reportagem : Carlito Soares