Média SAPNewsTL Loke Dalan Ba Estudante Sira Ne’ebe Iha Koñesemento Ba Area Jornalismu no Mehi Sai Jornalista Iha Futuru

SAPNewsTL, Dili, 27 Abril 2022 : Director Media Sap News Timor-Leste, Sergio Alves da Costa, loke dalan ba estudante sira ne’ebe iha konesemento iha area jornalismo atu bele prova sira nia konesimento no kontribui informasaun mak informative, inspirativu no konstrutivu ba sociedade Timor-Lese, atu bele asesu no hetan informasaun ida ne’ebe importante, factual, kredivel, no halo balansu ba informasaun hotu-hotu ne’ebe ita rekolla iha terenu.

Tuir Director media SAPNewsTL Sergio, hateten katak, SAPNews Timor-Leste hanesan media plataforma online ida ne’ebe eziste iha Timor-Leste iha tinan rua liu ba, media ne’e hanaran Sa’ani Assamana Prazer katak Lian Sosiedade nian ne’ebe luta ba bem estar komunidade nian. Tenik Sergio Direktu SAPNews

Sap news Timor-Leste hanesan media ida ne’ebe online ida iha Timor-Leste ho esperitu atu bele kanaliza, transmite, no partilla ka fahe informasaun sira ne’ebe informativo, edukativu no konstruitivu ba sosiedade hodi bele hatene qualquer situasaun ne’ebe akontese ou aktividade saida deit mak akontese iha ita nia rai-laran rasik.

“Sap news Timor-Leste hari’i husi vontade kolega universitario sira hotu husi doze munisipiu (12) Inklui RAEOA hamutuk ho kolega universitario husi (UNTL) Universidade Nasionál Timor Lorosa’e, (UNPZ) Universidade da Paz, (UNDIL) Universidade de Dili, (IOB) Institutos of busseness inklui maluk sira ne’ebe tuir kursus Jornalismu durante fulan-tolu (3) nia laran”. Dehan,Sergio ba jornalistca sap news iha fatin vila-verdi Dili,Quarta-Feira,(27-04-2022).

Director Sergio hatutan,Sapnews Timor-Leste ne’e existe iha Tinan 2020, ohin hakat ona ba tinan rua(2) liu iha ne’ebe existe ho vizaun ida atu bele lori naroman, lori esperansa, lori preokupasaun komunidade no sociedade nia ba Governantes sira oinsa bele resolve problema liu husi informasaun ne’ebe ita públika.

Director Sergio mos fo mensajem ba joven sira, katak, ita nia idade joven ida ne’e, ita tenki uza atu bele servi ba sociedade liu husi kna’ar ida nu’udar jornalista, ba sira ne’ebe mak envolve an ona iha media sapnews Timor-Leste ho sira nia vontade, interese no inisiativu e espiritu duni hakarak atu sai jornalista, hakarak atu dehan deit katak kontinua ita hamutuk ita lao ba oin tanba ita nia sociedade ida ne’e presiza informasaun ida ne’ebe kredivel, konta mos ho ita nia kontribuisaun, ita nia existensia ne’e para atu bele hakribi hoax sira ne’ebe buras iha ita nia rai laran.

Nune’e ita iha espiritu, hamrik hamutuk hodi bele lori informasaun ne’ebe los no importante ba ita nia rai i ita bele promove edukasaun sidadania ba ita nia sociedade atu ita nia sociedade bele senti, bele hatene buat los, diak no realidade hotu-hotu ne’ebe akontese iha ita nia rai doben Timor-Leste.

Ohin mos konsege simu tan estagiáriau nain (3) tolu husi Grace for Development (GFD) ne’ebe aseita ona sira nia estudante nain (3)tolu,mai hala’o sira nia estagio iha ami nia media sap news, ida ne’e hanesan orgollu boot ida mai ami, ami fiar katak hamutuk ho sira ami sei sai forte liu tan hodi servi ita nia sociedade tuir duni etika jornalismu,valor jornalismo, no kode jornalismo,nune’e bele atinje saida mak ita hakarak no sociedade nia hakarak.

Iha fatin hanesan, estagiária Canizia Cai Butin dos Reis sente kontenti ho Media SAPNewsTL nia fuan boot simu ami hodi hala’o ami nia estagiu durante fulan rua iha Média ida ne’e, objetivu husi estagiu ida ne’e mos ami bele estimula ami kompleta no finaliza ami nia kursu jornalizmu iha Grace for Development (GFD) ne’ebe durante fulan tolu ami aprende Jornalizmu iha ne’eba. Dehan Canizia. Vila-Verde, 27 Abril 2022.

Reportajem estagiária   : Conzita Mota

Cameraman            : Joao Maritu