BNCTL Lansa Programa Pagamentu Dizital, Prevene Sirkulasaun Osan Falsu

SAPNewsTL, Bobonaro: Diseminasaun informasaun lansa Programa Pagamentu Dizital no Kuiñese ita nia moeda iha Postu Administrativu Kailaku, ,Munisipiu Bobonaro

Tuir Vise Koordenador Pagamentu BNCTL Munisipiu Bobonaro Venancio Alves Maria katak Banku Sentral lansa programa pagamentu dizital kuñesimentu kona-ba moeda sei hala’o iha Kailaku

“Objektivu Programa pagamentu Dizital ne’e atu lori finanseiru báziku liuliu pontu de asesu finanseiru báziku ba komunidade sira liuliu iha área rural hodi fasilita sira no fo kuiñesimentu ba sira saida mak pagamentu dizital liliu mak asesu uluk sira nia pagamentu finanseiru báziku”. Vise Koordenador Pagamentu BNCTL Venancio Alves Maria ba jornalista sira, Salaun Kailaku, Sábadu, 26/08/2022.

Kordenador ne’e hatutan, programa pagamentu dizital no kampaña hodi kuiñese osan atu fahe informasaun ekipa ida atu fahe informasaun oinsa Komunidade sira kuiñese osan orijinal no osan falsu

“Programa pagamentu dizital atu fahe informasaun ba komunidade sira no ekipa ida kontrafasaun moeda atu fahe informasaun oinsa kuiñese osan orijinal no osan falsu, atu nune’e karik iha ema ruma tenta atu sirkula osan falsu iha ita nia le’et sira bele kuiñese identifika, atu nune’e bele prevene karik komunidade hetan bele hato’o ba autoridade relevantes para prevene sirkulasaun osan falsu iha ita nia rain”. Nia akresenta

Entretantu, Vise Koordenador ne’e introduz ba komunidade sira oinsa atu kuiñese didi’ak osan relasiona ho programa pagamemtu dizital

“Sistema pagamentu Rede P24(multi-banku) integra ho banku nia sistema tanba ne’e mak permite transferénsia entre konta bankaria no Konta karteira elektrónika, materia ne’ebé ami fo sai mak hanesan oinsa Kuiñese osan falsu, oinsa mak uza, oinsa mak halo adisaun ba kartaun elektronik no oinsa mak bele hetan kartaun P24”. Nia hakotu

Jornalista: Juvita Sarmentu

Editor: Ekipa Editorial