Bobonaru ! Timor Oan & Xineza Kontinua Halo Uma Iha Natar Laran
SAPNewsTL, Bobonaro: Komunidade sira iha Munisipiu Bobonaru, Postu Administrativu Maliana no Postu Administrativu Cailaco kontinua halo uma hela fatin iha natar sira ne’ebe potênsia ba hasa’e produsaun agríkola liliu hare
Tuir Observasaun Jornalista SAPNewsTL iha Munisipiu Bobonaru nota katak komunidade sira iha Munisipiu Bobonaru, Postu Administrativu Maliana no Postu Administrativu Cailaco kontinua halo uma hela fatin iha natar sira ne’ebe potênsia ba hasa’e produsaun hare
Antes ne’e, Xefe Suku Meligo Amancio Barreto da Conceição haktuir, Natar barak komunidade sira husik hela no halo uma iha natar tanba laiha irrigasaun no mota sobu estrada sira
“Komunidade sira abandona natar sira tanba kauza husi laiha irrigasaun no mota sobu kada tinan”. Tenik Xefe Suku Meligo Amancio Barreto da Conceição iha Cailaco, 24/09/2023
Iha parte seluk, Komunidade Timor Oan no Xineza sira iha Postu Administrativu Maliana halo ona uma iha natar laran liliu iha area Suku Ritabou, Postu Administrativu Maliana no Area Postu Administrativu Cailaco Munisipiu Bobonaro
Relasiona ho natar ne’ebe kontinua abandona, Guvernu Konstitusional dasia liu husi Ministériu Obras Públicas (MOP) Samuel Marçal inklui Instituto Gestão Equipamento e Apoio Dezenvolvimento Infraestrutura (IGEADI) sei servisu hamutuk ho Ministériu Agrikultura hodi hadia irrigasaun sira ne’ebé aat hanesan iha Munisipiu Bobonaru, Manatuto inklui Munisípiu sira seluk ne’ebé presiza hodi apoia
Entretantu, Dauduan ne’e, Komunidade Bobonaru balun mos kontinua hala’o atividade agríkola liliu halo natar, halo to’o no kuda modo sira hodi fa’an no sustenta ba sira nia nesesidade lor-loron
Jornalista: Marcela Mesquita Lemos