Breaking News: PNTL Hetan Sidadaun Ida Ho Kondisaun Mate Iha Likisa
SAPNewsTL, Likisa: Ohin Polísia Nasional Timor Leste (PNTL) liu husi Departamentu Operasaun hetan Sidadaun ida ho Kondisaun Mate iha Tasi Ibun Suku Tibar Postu Administrativu Bazartete, Munisipiu Likisa iha oras loraik
Tuir Informasaun ne’ebé SAP News Timor-Leste asesu liu husi Pajina Facebook PNTL haktuir, PNTL nia Departamentu Operasaun asesu Info ne’e, liu husi Komunidade sira ne’ebe hela iha area Tibar Postu Administrativu Bazartete, Munisipiu Likisa
Hafoin, Parte Komandu PNTL simu Informasaun ne’e liu husi Komunidade Sira, Unidade Polísia Marítima (UPM) ba Direita fatin akontesimentu hodi foti amostra no Lori Mate isin refere ba Ospitál
“UPM, simu informasaun husi Departementu Operasaun (DOP), relasiona ho mate isin ne’ebe Komunidade sira hetan iha Area Tibar nian, depois UPM simu informasaun, direitamente Ekipa husi UPM ne’ebe lidera husi Xefe operasaun UPM, ba kedas iha fatin akontesimentu hodi asegura Vitima”. Hakerek husi Média PNTL liu husi Pajina Facebook PNTL, Loron 07/08/2023
Entretantu, Kazu refere parte Komandu PNTL Munisipiu Likisa sei halo nia investigasaun tuir regra ne’ebe vigora. Nune’e bele hatene Kauza husi insidente ne’e
Hafoin Notisia ne’e tun, SAP News TL seidauk halo konfirmasaun ho Parte PNTL Munisipiu Likisa kona ba Identidade husi vítima refere inklui Informasaun seluk liga ba kazu ne’e
Nune’e, SAP News TL sei kontinua rekolla Informasaun sira hodi públika iha oras balun tuir Mai
Jornalista: Marcela Mery da Costa