Buka Moris & Mate Iha Ema Rain ! 20 Novembru, Mate-Isin José To’o Dili

Imagem : Trabalhador timoroan Matebian Jose da Silva iha Corea Sul, 17/11/2025.

SAP News TL, Corea Sul : Trabalhador timoroan José da Silva hakotu nia peregrinasaun iha loron 05 fulan Novembru 2025 tanba sofre moras iha Repúblika Corea, nune’e asistente adidu halo visita no fasilita hodi translada mai Timor-Leste.

Embaixada Timor-Leste iha Séul, liu husi Adidu Traballu Feliciano Simoes Mendonça, Asistente Adidu Jose Sebastiao.C.Soares akompaña husi Chan, halo visita ba Hospital Je il Joeun, iha Provinsia Chung Cheongbok-Do, Eumseong, Repúblik Korea hodi fasilita mate-isin mai Timor-Leste.

“Embaixada atu partilha informasaun ne’e ba Familia no públiku katak ita-nia Alin ou Belun Sr. Jose Da Silva hakotu is iha Óras:8h33 (05/11/2025), agora dadauk Ekipa Embaixada Timor-Leste iha Séul liu husi Gabineti adidu traballu nian informa ona ba SEFOPE no Familia Mate-bian no Mate-bian Jose Da Silva husi Municipo LiQuiça”. Informa Asistente Adidu Jose Sebastiao.C.Soares ba SAPNews iha Corea Sul, 17/11/2025.

Nia informa trabalhador Jose Da Silva, baixa iha hospital Je il Joeun iha área Eumseong iha loron 31 fulan Outubru 2025, no hakotu iis iha loron 05 Novembru 2025. Nune’e parte embaixada fasilita no sei translada mate isin iha loron 18 Outubru 2025.

“Loron 18 fulan Novembru 2025, mate-isin Jose Da Silva sei aranka husi Repúblika Korea ba Sigapore, iha Dia 20 fulan Novembru 2025, sei aranka husi Singapore ba Timor-Leste, iha ne’ebe sei simu diretamente husi SEFOPE hodi entrega ba Familia Matebian”.

Matebian Jose da silva ba servisu iha Korea Sul iha loron 16 Desembru 2019 no no hakotu iis iha loron 05 Novembru 2025 tanba hetan moras komplikadu nune’e la konsege salva nia vida.