CDTL Realiza Asembleia Anual 2022, Federasaun 5 Asesu Utilidade Públiku

SAPNewsTL, DILI : Konfederasaun Desportu Timor-Leste (CDTL sigla portuges)  realiza asembleia anual aprezenta rezultadu servisu tinan 2022 nian ba federasaun depostivu iha Timor-Leste ne’ebe afiliadu ba konfederasaun ne’ebe daudaun ne’e hamutuk federasaun 35.

“Ohin  ami realiza asembleia anual ho objetivu atu aprezenta  planu implementasaun ba servisu CDTL iha 2022 nian  depois ami tomada de pose iha tinan kotuk,  ami iha obrigasaun para fahe tan fali rezultadu servisu 2022 ba federasaun depostivu sira atu nune’e sira hotu hatene katak ami halo duni servisu no fo rezultadu duni  ba federasaun 35 ne’ebe afiliadu mai CDTL, maibe ohin federasaun 22  mak partisipa asembleia ne’e, tinan tolu nian mai ami mos hakarak rona federasaun sira nia hanoin para bele dezenvolve federasaun desportivu Timor-Leste iha futuru”, Prezidente CDTL Macario F. Sanches ba jornalista sira iha salaun São Paulo comoro, Dili sesta (16/12)

Prezidente ne’e hatutan, durante servisu iha 2022, sira  halo ona promosaun ba federasaun sira liu husi simpoziu, halo formasaun oi-oin no halo mos avaliasaun ba federasaun sira deteta katak iha 2022 ne’e federasaun lima Taekwondo, Atletismu, voleibol, xadres no futebol husi 35 ne’ebe mak hatan ona ba diploma ministerial artigu 40 ba utilidade publiku nian agora sira fo tempu ba federasaun sira ne’e para aplika sira nia direitu

Nune’e SEJD bele investe ona modalidade sira ne’e atu federasaun sira ne’ebe seidauk to’o iha ne’eba  haree federasaun lima nu’udar referensia ba sira seluk atu esforsu  hatan diploma ministerial artigu 40 ba utilidade publiku hodi hetan fundu husi governu para dezenvolve sira nia federasaun.

Macario hatete, tinan kotuk sira halo mos monitorizasaun ba federasaun 35 ba sira nia servisu federasaun la’o ka lae maibe  federasaun lima deit iha oportunidade atu hetan utilidade publiku ne’ebe fulan hirak sira bolu, hatan ona rekezitu no prense formulariu para hatama ba KND maibe seidauk ne’ebe tinan oin sira esforsu para federasaun lima ne’e hetan direitu

“Tinan kotuk ami  mos halo monitorizasun ba federasaun 35 ne’e, sira nia servisu la’o ka lae, sira iha sede, assosisaun, klube no atleta ho treinador ka lae ne’ebe rezultadu monitorizasun hatudu federasaun lima mak iha buat sira ne’e maibe restu sira la iha kondisaun atu hala’o servisu federasaun nian ne’ebe federasaun lima ne’e dezde fulan hirak liu ba mai bolu ona sira para hatama ona rekezitu sira ne’e hodi prense ona formulariu ba utilidade publiku husi SEJD”, tenik Macario

Entretantu, fo atensaun federasaun sira seluk para mellora sira nia federasaun funsiona ho diak tanba estatutu CDTL fo dalan katak bainhira iha federasaun ida ne’ebe la ativu partisipa atividade iha CDTL maka CDTL iha direitu para hasai tanba tinan oin sira sei diskute ba alterasaun estatutu CDTL

Nia Informa, Iha federasaun rua iha lista CDTL ne’ebe ohin partisipa iha asembleia anual ne’e maibe seidauk afiliadu mai CDTL mak roler no pentalon ne’ebe sira tenki hakbesik ba CDTL para hatene atu hari’i federasaun, federasaun tenki iha assosisaun minimu hitu husi munisipiu 14, klube no atleta depois hatama proposta mai CDTL,  konfederasaun iha atividade lubuk ida para promove federasaun sira liu husi eskola para iha eskola iha atleta, klube depois ba asosisaun mak mai federasaun depois afilia mai CDTL hodi hadia federasaun diak liu.

Entretantu, reprezentante federasaun desportivu iha Timor-Leste sira ne’ebe partisipa iha asembleia anual CDTL nian ne’e mak atletizmu, ikido, badminton, billiard, siklismu, kricket, fhakuptil, natasaun, silat, sailing, ski, tiru, tenis kampu, voleibol, xadres, Wushu, sepaktakrau, andebol, roler, karate no  pentalon

Jornalista : Augusto dos Santos